Sport

Bokschi Hasanboy Doʻsmatov Olimpiya oʻyinlari "oltini" uchun kurashadi

© YURI CORTEZ / AFPOʻzbek bokschisi Hasanboy Doʻsmatov
Oʻzbek bokschisi Hasanboy Doʻsmatov - Sputnik Oʻzbekiston
Obuna boʻlish
NovostiTelegram
Bugungi kunda Oʻzbekiston terma jamoasi 2ta bronza bilan umumiy medal hisobida 55-oʻrinda bormoqda.

TOSHKENT, 13 avg — Sputnik. Boks boʻyicha Oʻzbekiston terma jamoasi vakili Hasanboy Doʻsmatov (49 kg) Olimpiya turnirining final bosqichiga chiqdi, u oʻzini kamida kumush medal bilan taʼminladi, deb xabar qilmoqda Sputnik Oʻzbekiston muxbiri.

"Bizning sportchimiz yarim finalda amerikalik Fernandes Niko Anxelga qarshi jangga chiqdi. 23 yashar andijonlik ringda haqiqiy charm qoʻlqop ustasi ekanligini namoyish etib, amerikalik raqibini "oʻz nogʻorasiga oʻynashga" majbur qildi", — deya jang haqidagi taassurotlari bilan boʻlishdi jurnalist.

Xabarda aytilishicha, har ikkala bokschi ham faol boʻlgan, ammo Doʻsmatov goh mudofaada harakat qilib, goh oʻrta masofadan keskin kontratakaga oʻtibajoyib texnika sohibi ekanligini namoyon etgan. Amerikalik jangning boshidan oxiriga qadar bu kabi "uzuq-yuluq" uslubga moslashishga harakat qilgan, hatto, bokschimizga bosimni kuchaytirgan, ammo unga qarshi hech qanday texnika namoyish qilishni uddalay olmagan.

Natijada Oʻzbekiston vakili yakuniy hisob 3:0 (30:27, 29:28, 29:28) bilan amerikalik ustidan gʻalaba qozongan va olimpiya turnirining final bosqichiga chiqqan.

Rio-de-Janeyrodagi Olimpiya parki - Sputnik Oʻzbekiston
Rio Olimpiadasida gʻoliblik uchun eng koʻp mukofot vaʼda qilgan 5 davlatdan biri - Oʻzbekiston
Endi Doʻsmatovning finaldagi raqibi kolumbiyalik Yurberxen Martinez boʻladi. Martines yarim finalda ushbu vazn toifasida yetakchi boʻlgan kubalik 19 yashar Yoaxnis Arxilagosni magʻlub etgan. Final jangi 14 avgust kuni soat 22:15da boshlanadi.

Oʻzbekiston terma jamoasining yana bir vakili Bektemir Meliqoʻziyev ham avstraliyalik Levis Daniyeldan ustun keldi — 3:0 (30:27, 30:26, 30:27).

Chorak finalda Meliqoʻziyev hindistonlik Krishan Vikasga qarshi ringga koʻtariladi. Jang 16 avgust kuni boʻlib oʻtadi.

Afsuski, boshqa oʻzbek bokschilari muxlislarni xushnud eta olishmadi. Xurshid Tojiboyev (60 kg) chorak finalda unchalik kuchli boʻlmagan mezbonlar vakili (braziliyalik) Robson Konseysaoga 0:3 hisobida yutqazgan boʻlsa, oʻzbekistonlik yagona bokschi qiz Yedgoroy Mirzayeva xuddi shu hisob bilan — yuqori tajribaga ega kanadalik Mendi Bujoldga gʻalabani boy berdi. Va shu tariqa Oʻzbekiston tarixida Olimpiadaga borgan ilk ayol bokschi ishtiroki nimchorak finalda toʻxtadi.

Bundan tashqari, Rio bahslarida Oʻzbekiston sharafini himoya qilgan dzyudochi Abdulla Tangriyev bronza medalga "bir odim" qolganda, jangni boy berdi.

35 yoshli Tangriyev braziliyalik Rafael Silvaga qarshi bronza medali uchun jangga chiqqan edi. Yarim finalda yaponiyalik raqibga imkoniyatni boy bergan Tangriyev kun davomidagi beshinchi jangida yutqazdi. Mezbonlar vakili bitta yuko bahosi bilan gʻolib chiqdi.

Bugungi kunda Oʻzbekiston terma jamoasi 2ta bronza bilan umumiy medal hisobida 55-oʻrinda bormoqda.

© REUTERS/Peter CziborraOʻzbek bokschisi Hasanboy Doʻsmatov
Oʻzbek bokschisi Hasanboy Doʻsmatov - Sputnik Oʻzbekiston
Oʻzbek bokschisi Hasanboy Doʻsmatov
Yangiliklar lentasi
0