Jamiyat

Oʻzbektelekom va uch tijorat bankiga chet el sarmoyalari jalb qilinmaydi

© Sputnik / Yuriy Lashov / Fotobankka oʻtishUyali aloqa minoralari
Uyali aloqa minoralari - Sputnik Oʻzbekiston
Oʻzbekistonning eng yirik banklari va milliy aloqa operatori Strategik korxonalar roʻyxatiga kiritilib, ularning aktsiyalarini chet ellik sarmoyadorlarga sotish taʼqiqlandi.

TOSHKENT, 15 avg — Sputnik. Oʻzbekiston hukumati “Oʻzbektelekom” AJ va va mamlakatning uch yirik banki aktsiyalarini chet ellik sarmoyadorlarga sotish gʻoyasidan voz kechdi, deyilgan Vazirlar mahkamasining dushanba kuni eʼlon qilingan qarorida.

Yangi qabul qilingan hujjatga koʻra, “Oʻzbektelekom” AJ, “Oʻzbekiston Pochtasi”, Oʻzqishloqqurilishbank, Agrobank va Mikrokreditbank, aktsiyalari chet ellik sarmoyadorlarga sotilishi majburiy boʻlmagan korxonalar roʻyxatidan joy oldi.

Ushbu roʻyxatga strategik ahamiyatga ega boʻlgan xom ashyoni (neft, gaz, qimmatbaho metallar, paxta) qayta ishlash korxonalari, tabiiy monopoliya subʼyektlari va aholiga muhim ijtimoiy ahamiyatga ega boʻlgan tovar va xizmatlar yetkizib beruvchi korxonalar kirgan.  

2015 yilning dekabr oyida qabul qilingan tartibga koʻra, AJ tarkibida chet el sarmoyalari hajmi kamida 15 %ni tashkil qilishi kerak edi. 2016 yilning fevralida Hukumat  tomonidan 91 AJ roʻyxati tasdiqlanib, ularga 2016 yilning 1 iyuliga qadar 15 % chet el sarmoyalari jalb qilish belgilangan edi. Ushbu roʻyxatga “Oʻzbektelekom”, “Oʻzbekiston pochtasi” va yuqorida koʻrsatilgan banklar ham kirgan edi.

Qandolat mahsulotlari ishlab chiqarish - Sputnik Oʻzbekiston
Iqtisod
Gonkonglik sarmoyador “Lazzat”ga 5 mln $ kiritadi

Dushanba kuni eʼlon qilingan qarorga koʻra, 26 AJga chet ellik sarmoyadorlarni jalb qilish ushbu yilning 1 noyabrga qadar, 61 AJga esa – 1 dekabriga qadar belgilangan. Hujjatda aytilishiga qaraganda, 17 aktsiyadorlik jamiyatlarida rahbarlarning faoliyatsizligi tufayli sarmoyadorlar jalb qilish grafigi buzilgan. Xususan, toʻqqiz AJ rahbarlari oʻz lavozimlaridan boʻshatilib, ularga nisbatan jazo choralari qoʻllanilgan.

Eslatib oʻtamiz, Oʻzbekiston Xususiylashtirish, monopoliyadan chiqarish va raqobatni rivojlantirish davlat qoʻmitasi 1 apreldan respublika fond birjasida (Toshkent RFB) 59 korxona va moliya institutlarining qiymati 915 million dollarga teng boʻlgan davlat ulushini savdoga chiqargan edi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala