TOShKENT, 15 agv — Sputnik. O‘zbekiston tashqi ishlar vaziri Abdulaziz Komilov 15-avgust kuni Qirg‘izistonning yangi tayinlangan elchisi Daniyar Sidiqov bilan uchrashdi, deb xabar qilmoqda O‘zbekiston Tashqi ishlar vazirligi matbuot-xizmati.
"Vazir elchining ishonch yorliqlari nusxasini qabul qilib oldi va unga o‘z mas’uliyatli faoliyatini bajarishda muvaffaqiyatlar tiladi", — deyilgan xabar matnida.
Xabarda aytilishicha, suhbat davomida ikki tomonlama munosabatlarning hozirgi holati va rivojlanish istiqbollari bo‘yicha fikr almashilgan.
Eslatib o‘tamiz, Daniyar Sidiqov 22-iyun kuni Qirg‘izistonning O‘zbekistondagi elchisi etib tayinlangan edi. U mazkur lavozimda Emilbek Uzakbayev o‘rnini egalladi.
