Jamiyat

Fargʻona vodiysiga ilk yoʻlovchilar poyezdi qatnovi 27 avgustdan yoʻlga qoʻyiladi

Yangi poyezd 12 vagondan iborat boʻladi. Poyezd Toshkentdan Fargʻonagacha boʻlgan masofani qancha vaqtda bosib oʻtishi va chiptalar narxi qancha boʻlishi hozircha xabar qilinmayapti.

TOSHKENT, 19 avg — Sputnik. Qamchiq dovoni ostidan oʻtgan yangi tunnel orqali Toshkent va Fargʻona vodiysi oʻrtasida yoʻlga qoʻyilayotgan ilk yoʻlovchilar poyezdining qatnovi 27 avgustdan boshlab amalga oshirilishi mumkin, deb xabar qilmoqda Sputnik Oʻzbekiston muxbiri.

Muxbirning aytishicha, yangi poyezdning ishga tushirilayotgani haqida maʼlumotni temir yoʻl kompaniyasidagi bir manba tasdiqlagan. Shu bilan birga, u birinchi tarkib aynan qaysi sanada ishga tushirilishini aniq aytolmagan.

Ammo Tvitter foydalanuvchilaridan biri ilk yoʻlovchi poyezdi qaysi sanada yoʻlga chiqishi haqida maʼlumot beruvchi hujjatni joylashtirgan. Internetda eʼlon qilingan maʼlumotga koʻra, Toshkent-Angren-Orzu-Pop-Qoʻqon-Margʻilon-Andijon yoʻnalishi boʻyicha harakatlanadigan ilk tarkib 27 avgust kuni soat 8:30da Toshkentdan yoʻlga chiqishi kutilmoqda.

Poyezd 12ta yoʻlovchi vagonidan iborat boʻladi. Poyezd Toshkentdan Fargʻonagacha boʻlgan masofani qancha vaqtda bosib oʻtishi va chiptalar narxi qancha boʻlishi hozircha xabar qilinmayapti.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala