Dunyoda

Rossiya TIV: Dushanbe koʻchalar nomlarini oʻzgartirishda faxriylar fikrini inobatga olishi kerak

© Sputnik / Aleksandr Vilf / Fotobankka oʻtishRossiya TIV rasmiy vakili Mariya Zaxarova
Rossiya TIV rasmiy vakili Mariya Zaxarova - Sputnik Oʻzbekiston
Tojikistonlik faxriylar tomonidan bildirilayotgan sovet qahramonlari, ilm-fan, sanʼat va manadiyat namoyandalari ismlari bilan bogʻliq koʻchalar nomlarini oʻzgartirish kerakmas, degan fikrlarini Dushanbe hukumati inobatga olishiga umid qilamiz, deb bayonot qilmoqda Rossiya Tashqi ishlar vazirligi.

TOSHKENT, 19 avg — Sputnik. Rossiya Tashqi ishlar vazirligi rasmiy vakili Mariya Zaxarova Dushanbe rasmiylarining sovet tuzumi davri ilm-fan, madaniyat va sanʼat namoyandalari, Ikkinchi jahon urushi qatnashchilari ismlari bilan bogʻliq koʻchalarni qayta nomlash qaroriga nisbatan oʻz fikrini bildirib oʻtdi, deb xabar qilmoqda Sputnik Tojikiston.

"Men bu xabarlardan voqifman, bizda Tojikiston hukumati Dushanbedagi qator koʻchalarni qayta nomlash haqida qaror qabul qilgani haqida maʼlumotlar bor. Bu yerda gap sovet tuzumi davri koʻzga koʻringan madaniyat va sanʼat vakillari, Ulugʻ vatan urushi qatnashchilari sharafiga nomlangan koʻchalarni oʻzgartirish haqida bormoqda", — dedi Zaxarova.

Mariya Zaxarova, bu mavzu jamoatchilik orasida katta shov-shuv uygʻotgani va keng munozaralarga sabab boʻlganini qoʻshimcha qildi.

"Men, shuningdek, qator nufuzli tarixchilar, jumladan, faxriylar tashkiloti vakillari, hatto tojikistonlik talabalar guruhlari, bu koʻchalar nomlari saqlanib qolishi kerak, chunki ular bizning xalqlarimizning shonli oʻtmishi bilan bogʻliq, degan tashabbus bilan chiqqanlariga ham guvoh boʻldim", — deya taʼkidladi diplomat.

Zaxarova, "mahalliy hukumat obroʻ-eʼtiborli insonlar va ayniqsa, veteranlar fikrlariga quloq tutadilar", deya umid bildirdi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala