Sport

Sakkiz karra Olimpiya chempioni Useyn Bolt: men Ali va Pele bilan tenglasha oldim, deb umid qilaman

© REUTERS/Lucy NicholsonSakkiz karra Olimpiya chempioni Useyn Bolt: men Ali va Pele bilan tenglasha oldim, deb umid qilaman
Sakkiz karra Olimpiya chempioni Useyn Bolt: men Ali va Pele bilan tenglasha oldim, deb umid qilaman - Sputnik Oʻzbekiston
Rio Olimpiadasida 200 metrga yugurish boʻyicha oltin medalni qoʻlga kiritgan yamaykalik sprinter Useyn Bolt oʻzini tarixdagi buyuk sportchilar darajasiga yetishdi, deb hisoblamoqda.

TOSHKENT, 19 avg — Sputnik. Rio-de-Janeyrodagi bellashuvlarda 200 metr masofaga yugurishda gʻalabaga erishgan Useyn Bolt sakkizinchi marta Olimpiada chempioni boʻldi. Endilikda yamaykalik super chopagʻon Rio Olimpiadasidan keyin u sport afsonalari – bokschi Muhammad Ali va futbolchi Pelelar bilan bir qatorda turishiga umid qilmoqda.

"Menga yana biror narsani isbotlashning hojati yoʻq. Buyuk ekanligimni dunyoga isbotlashim uchun yana nima qilishim kerak? Men Muhammad Ali va Pele bilan bir qatorda turish uchun buyuk sportchilardan biri boʻlishga harakat qilyapman. Umid qilamanki, Olimpiadadan soʻng men ular bilan bir qatorda boʻlaman", — deya Boltning soʻzlaridan iqtibos keltiradi Olimpiya yangiliklar xizmati.

Finalda Bolt 200 metr masofani 19,78 soniyada bosib oʻtdi. Ikkinchi oʻrinni kanadalik Andre de Grasse — 20,02 soniya, uchinchi oʻrinni frantsuz Kristof Lemetr — 20,12 soniya koʻrsatkich bilan egalladi.

21 avgust kuni 30 yoshni qarshi oladigan “Chaqmoq” laqabli yamaykalik bu sportchi qisqa masofaga yugurish boʻyicha 11 marta jahon chempioni, 10ga yaqin rekordlar sohibidir.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala