Jamiyat

Toshkent Mexanika zavodi chet ellik sarmoyadorlarga topshiriladi

© tmz.uzToshkent Mexanika zavodi
Toshkent Mexanika zavodi - Sputnik Oʻzbekiston
Germaniyaning Tayxman grupp, frantsiyaning Alstom va Xitoyning Pensheng grup korxonalari sobiq aviatsiya zavodi asosida yangi qoʻshma korxonalar tuzishi rejalashtirilgan.

TOSHKENT, 23 avg — Sputnik. Toshkent Mexanika zavodi Oʻzbekiston Vazirlar Mahkamasi tomonidan tuzilgan, qoʻshma korxonalar yaratish uchun asos boʻlishga moʻljallangan 15 korxona roʻyxatidan joy oldi, deb xabar qilmoqda "Novosti Uzbekistana".

Vazirlar Mahkamasining 2016 yil 10 fevraldagi qarori bilan TMZ, tarkibiga kamida 15% chet el sarmoyalari jalb qilinishi kerak boʻlgan korxonalar roʻyxatiga kiritilgan edi.

Eslatib oʻtamiz, 2015 yilda Toshkent Mexanika zavodi Oʻzbekiston Temir yoʻllari tarkibiga kiritilgan edi. Hozirgi kunda zavodning ning 81,52 % aktsiyalari Oʻzbekiston Temir yoʻllariga qarashli.

Zavodda, modernizatsiya ishlari yakunlanganidan keyin, mahsulotning yangi turlari ishlab chiqish rejalashtirilgan. Ular orsida eshik qulflari, kichik yuk koʻtarish mashinalari, elektrik asinxron dvigatellar, kompressorlar, poʻlat simlar va boshqa mahsulotlar bor.

2017 yil davomida zavodda 27,5 mln dollarlik asbob uskunalar oʻrnatish rejalashtirilgan.

Zavodda amalga oshirilayotgan eng yirik loyiha, bu – Xitoyning SkyUnionInternational kompaniyasi bian birgalikda amalga oshirilayotgan, qiymati 20 mln dollar boʻlgan — sovutish kompressorlari ishlab chiqarish korxonasidir. TMZda yiliga 100 ming dona kompressor ishlab chiqarish rejalashtirilgan.

Janubiy Koreyaning HwanghaeElectricCo. Ltd korxonasi elektrik asinxron dvigatellar ishlab chiqarishga 2,5 mln dollar sarmoya kiritishni rejalashtirigan. Ishlab chiqarish hajmi yiliga 500 dona.

Belorussiyaning «Akmodor» kompanisi bilan birga yiliga 100ta kichik yuk ortish avtomobillari ishlab chiqarish loyihasi amalga oshirish rejalashtirilgan. Umumiy qiymati 4 mln dollar boʻlgan loyihada chet ellik sarmoyador ulushi 3 mln dollarni tashkil qildi.

Ayni damda zavod quvvati turli detallar ishlab chiqarishga moʻljallangan. Ular orasida turli mexanik qismlar, qurilish konstruktsiyalari, maishiy mahsulotlar, qishloq xoʻjalik texnikasi uchun ehtiyot qismlar va boshqalar bor.

Kelajakda ishlab chiqarish rejalashtirilgan mahsulotlar orasida press formalari, qoliplangan detallar, rezinotexnik mahsulotlar va plastmassa buyumlari bor. Zavod shuningdek metall kesuvchi va boshqa uskunalar ishlab chiqarish hamda suv nasoslarini taʼmirlash bilan ham shugʻullanishni rejalashtirgan.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala