Ekspotsiziyada takrorlanmas kulolchilik mahsulotlari namunalari, rang-barang matolar, oltin va kumush zardo‘zlik namunalari, yog‘och o‘ymakorligi va boshqa tasviriy san’at asarlari bilan bezatilgan yuzlab buyumlar namoyish etilgan.
Ko‘rgazmaning yana bir qiziq tomoni, bu an’anaviy rus amaliy san’ati markazlari hisoblangan Fedoskino, Mster va Xoluyalik ustalarning O‘zbekistonga sayohati taasurotlari asosida yaratgan asarlari ham namoyish etilgan. Odatda “xoxloma” uslubida bezatiladigan patnislarda o‘zbek choyxonasi yoki gilam to‘qiyotgan qiz tasvirini ko‘rish ko‘pchilikni hayratga solishi aniq.
Shuningdek ko‘rgazmada yetuk o‘zbek usta va hunarmandlari tomonidan 1937-yilda Parijda bo‘lib o‘tgan halqaro ko‘rgazmada bir necha oltin va kumush mukofotlarga sazovor bo‘lgan yog‘och o‘ymakorligi va zardo‘zlik namunalari ham namoyish etilgan.
Umumrossiya amaliy san’at muzeyida bo‘lib o‘tayotgan ushbu ko‘rgazma 25-sentabrga qadar davom etadi.
