TOShKENT, 31 avg — Sputnik. Toshkentda yangi Boeing 787 Dreamliner samolyotini tantanali kutib olish marosimi bo‘lib o‘tdi. Ushbu samolyot “O‘zbekiston havo yo‘llari” milliy aviakompaniyasi tomonidan sotib olingan ikki samolyotdan biridir.
Boeing 787 “orzu layneri”– o‘ta uzoq masofaga uchuvchi, tez uchar samolyot O‘zbekiston mustaqilligining 25-yilligiga munosib sovg‘a bo‘ldi. Samolyotni O‘zbekiston Havo yo‘llari ekipaji a’zolari – instruktor–uchuvchi Iosif Zak, guruh komandiri Asadjon Tursunov va aviakompaniya bosh shturmani Stanislav Gurfinkel.
Sietldan Toshkentga 12 soat davom etgan to‘xtovsiz parvoz muvaffaqiyatli amalga oshirildi. Samolyotni Boeing zavodida MAK direktori o‘rinbosari Gennadiy Xarlap, Uzbekistan airways technics (UAT) aviakorxonasi direktori o‘rinbosari Andrey Margachev va Valeriy Kosovlar qabul qilib olishdi.
MAK bosh direktori Valeriy Tanning so‘zlariga qaraganda, ushbu tadbir amalga oshirilishi uchun butun aviakompaniya jamoasi tayorgarlik ko‘rishgan. Yer-infrastrukturasida va injener-texnik va uchuvchilar tayorlashda ham keng ko‘lamli ishlar amalga oshirilgan. Ikki uchuvchi-instruktor va 18 uchuvchidan tashkil topgan yangi uchish otradi tayyorlangan. Undan tashqari UAT aviakorxonasida 64 mutaxassis, 6 instruktor tayyorlangan.
“Boeing 787-8 turdagi samolyotlardan foydalanishni boshlash bu aviakompaniya tarixida juda muhim bosqich, chunki bu o‘zida eng zamonaviy texnika va texnologik uskunalarni mujassamlashtirgan butunlay yangi avialayner, bo‘lib u aviakompaniya tomonidan bugun ekspluatatsiya qilinayotgan samolyotlardan butunlay farq qiladi. Shuni ishonch bilan aytish mumkin-ki, aviakompaniya mutaxassislarining tayorlanish darajasi, professionalligi va javobgarligi ushbu turdagi laynerlardan muvaffaqiyatli foydalanish imkonini beradi”, — dedi Valeriy Tan jurnalistlarga.
Boeing 787 Dreamliner samolyoti o‘zining samaraliligi, yonilg‘i tejamkorligi va ekologik bezararligi bo‘yicha dunyoda eng oldingi o‘rinda. Uni yaratishda eng zamonaviy g‘oyalar va texnologiyalardan hamda butunlay yangi dizayndan foydalanilgan. Yangidan yaratilgan samolyot salonida uzoq parvozlar davomida yo‘lovchilar va ekipaj qulayligi uchun barcha sharoitlar yaratilgan.
Salon o‘lchami va uning qulayligi ham hayratlanarli darajada. Samolyot salonining ichki diametri oldingi samolyotlarga qaraganda 1 metr keng. Yo‘lovchi o‘rindiqlar umumiy soni 246 ta. Samolyotda shovqin kamaytirishga, yoritish va havoni namlashga ham alohida e’tibor berilgan. Uzoq parvoz davomida zerikmaslik uchun, har bir yo‘lovchiga qarshisiga alohida ekran o‘rnatilgan.
