Ekspert: Suriyada yo‘q qilingan Al-Adnani ID yetakchisidan ham xavfliroq edi

© SputnikJangari
Jangari - Sputnik O‘zbekiston
Obuna bo‘lish
Abu Muhammad Al-Adnani g‘arbiy Yevropa davlatlari va AQShda terrorchilik hujumlarini uyushtirishga chaqiriqlari bilan tanilgandi.

TOShKENT, 31 avg — Sputnik. Aviazarba natijasida Suriyada yo‘q qilingan ID terrorchilik guruhining spikeri Abu Muhammad Al-Adnani g‘arb davlatlariga guruh yetakchidan ham ko‘ra ko‘proq xavf solardi, dedi terrorizmga qarshi kurash bo‘yicha CNN telekanali tahlilchisi Pol Krikshenk, RIA Novosti xabariga asosan.

"U Abu Bakr al-Bag‘dodidan ham ko‘ra xavfliroq shaxs edi, chunki u IDning tashqi operatsiyalari uchun mas’ul va IDning xorijdagi sho‘’balarini nazorat qilardi. Aynan ana shu sho‘’balar G‘arbga tahdid soladi, ular Parijga hujum uyushtirishdi, ular AQShda ham hujum tashkil qilishlari mumkin", — dedi tahlilchi.

Chorshanba kuni Rossiya mudofaa vazirligi Halab muzofotida Su-34 samolyoti bergan aviazarba natijasida IDning ikkinchi o‘rindagi shaxsi "OAV bilan ishlash bo‘yicha rasmiy vakili” Abu Muhammad Al-Adnani halok bo‘lganini tasdiqladi.

Abu Muhammad Al-Adnani g‘arbiy Yevropa davlatlari va AQShda terrorchilik hujumlarini uyushtirishga chaqiriqlari bilan tanilgandi.

Yangiliklar lentasi
0