TOShKENT, 7 sen — Sputnik. O‘zbekiston Respublikasi Madaniyat va sport ishlari vazirligi Davlat san’at muzeyida 4-sentabrdan 4-oktabrga qadar O‘zbekiston Respublikasi mustaqilligining 25-yilligiga bag‘ishlangan “O‘zbekiston rassomlari” ko‘rgazmasi bo‘lib o‘tmoqda, deb xabar beradi “O‘zbekiston Buyuk Ipak yo‘lida” portali.
Ko‘rgazmadan O‘zbekistonning mustaqillik yillarida taniqli o‘zbek rassomlari tomonidan ishlangan asarlar o‘rin olgan. Ular orasida Rahim Ahmedov, Akmal Nur, Anvar Mirsoatov, Orif Muinov, Sobir Rahmatov, Dilorom Mamedova va boshqa taniqli musavvirlar chizgan rasmlarni ko‘rish mumkin.
Ko‘rgazmaga tashrif buyuruvchilar O‘zbekistonning barcha jabhalardagi yutuqlari aks etgan ijodiy ishlar bilan tanishishlari mumkin.
