Janubiy Koreyaning sobiq prezidenti Karimov haqida: men yaqin do‘stimni yo‘qotdim

© Sputnik / Anton Denisov / Mediabankka o‘tishJanubiy Koreyaning sobiq prezidenti
Janubiy Koreyaning sobiq prezidenti - Sputnik O‘zbekiston
Obuna bo‘lish
Koreya Respublikasida O‘zbekistonning milliy yetakchisi Islom Karimov vafoti munosabati bilan motam marosimlari davom etmoqda. Bugun O‘zbekistonning Seuldagi elchixonasiga hukumat vazirlari guruhi hamkorligida Koreya Respublikasining sobiq prezidenti Li Mon Bak tashrif buyurdi.

TOShKENT, 8 sen — Sputnik. Janubiy Koreyaning sobiq rahbari O‘zbekistonning Birinchi Prezidenti Islom Karimov vafoti munosabati bilan o‘z hamdardligini izhor qildi, deb xabar qiladi "Jahon" AA.

Pokiston Islom Respublikasi Bosh vaziri Muhammad Navoz Sharif (chapda) rafiqasi Kalsum Navoz Sharif bilan - Sputnik O‘zbekiston
Navoz Sharif: Islom Karimov - o‘z xalqi yo‘lini yoritib borgan buyuk rahbar
Xabarda yozilishicha, Li Mon Bak elchixonaning hamdardlik kitobida quyidagi ta’ziyanomani qoldirgan: "Mening samimiy hamdardligimni qabul etgaysizlar. Men o‘z do‘stimni hech qachon unutmayman. Yaratgan uning oilasi va O‘zbekiston xalqini o‘zining hifzu himoyasiga olishidan umidvorman".

Marosim yakunida Li Mon Bak Prezident Islom Karimov bilan yaqin do‘stlar bo‘lishgani va tez-tez uchrashib turishganini aytdi.

"Bu men uchun sira kutilmagan voqea bo‘ldi, — dedi Janubiy Koreyaning sobiq yetakchisi. — Men yaqin do‘stimni yo‘qotdim. Men dafn marosimida shaxsan qatnasha olmadim. O‘zbekiston yetakchisi oilasiga mening alohida hamdardligim va qayg’udoshligimni yetkazishlaringizni so‘rayman".

Ichki ishlar va davlat boshqaruvi vaziri Xong Yun Sik esa tarixan qisqa davr mobaynida Islom Karimov O‘zbekiston taraqqiyotida katta ishlarni amalga oshirishga erishganini qayd etgan. Koreya Respublikasi hukumatining a’zosi milliy yetakchi tomonidan mo‘ljallangan rejalar bundan keyin ham muvaffaqiyat bilan hayotga tadbiq etilishiga umid bildirgan.

MDH davlatlari bayroqlari - Sputnik O‘zbekiston
Yo‘ldoshevmi yoki Mirziyoyev: MDH sammitida O‘zbekiston kelajagi oydinlashishi mumkin
Tashqi ishlar vazirining birinchi o‘rinbosari Lim Song Nam O‘zbekistonning birinchi Prezidentining bevaqt vafoti munosabati bilan O‘zbekiston hukumati va xalqiga o‘zining samimiy hamdardligini izhor etish asnosida quyidagilarni qayd etgan: "Islom Karimovning O‘zbekiston va Janubiy Koreya o‘rtasidagi ko‘p qirrali munosabatlar rivoji va ularni strategik sheriklik darajasiga olib chiqilishidagi hissasini baholash qiyin. Ishonchim komilki, bizlarning o‘zaro aloqalarimiz bundan keyin ham kengayib boraveradi".

Yangiliklar lentasi
0