Davlat organlariga onlayn-murojaatlar faqat elektron imzo bilan qabul qilinadi

© Sputnik / Vitaliy AnkovKliyent stavit elektronnuyu podpis
Kliyent stavit elektronnuyu podpis - Sputnik O‘zbekiston
Obuna bo‘lish
Yagona interaktiv davlat xizmatlari portaliga faqat elektron raqamli imzo orqali murojaat qilish majburiyati joriy etiladi.

TOShKENT, 9 sen — Sputnik. 12 sentabrdan boshlab Yagona interaktiv davlat xizmatlari portali orqali davlat organlariga murojaat qilishda elektron raqamli imzo (ERI)dan majburiy foydalanish talabi joriy etilmoqda. Bu haqda portalda xabar qilindi.

Bolalar bog‘chasida. - Sputnik O‘zbekiston
ERIga ega bo‘lgan o‘zbekistonliklar onlayn tarzda bolani bog‘chaga joylashlari mumkin
Jismoniy shaxslarning ERI olish jarayonini soddalashtirish maqsadida O‘zbekiston Respublikasi Davlat soliq qo‘mitasi Yangi texnologiyalar ilmiy-axborot markazining «Elektron raqamli imzoni olish uchun ariza yuborish» yangi interaktiv xizmati ishga tushirildi.

Jismoniy shaxslar arizani yuborganidan va ERI uchun to‘lovni amalga oshirganidan boshlab 5 kun ichida arizaning ko‘rib chiqilganligi bo‘yicha xabarnomani qabul qilib oladi. Ijobiy natija olinganida, jismoniy shaxslar pasportining asl nusxasi va USB flesh-kartasi bilan yaqin oradagi tuman lavlat soliq inspeksiyasiga soat 9:00 dan 18:00 gacha dushanbadan jumagacha ERI sertifikati va kalitini olib ketish uchun tashrif buyurishlari lozim.

ERI kalitini olish uchun to‘lov (CLICK va U-PAY tizimlari orqali ham qabul qilinadi) ariza taqdim etilgandan uch kun davomida amalga oshirilishi shart. To‘lov miqdori u amalga oshiriladigan kunga muvofiq eng kam ish haqining 10 foizini tashkil qiladi.

Yangiliklar lentasi
0