TOShKENT, 9 sen — Sputnik. GM Uzbekistan ta’kidlashiga ko‘ra, Ravon avtomobillari zanglamaydi, "Novosti Uzbekistana"xabariga asosan.
GM-Uzbekistan zavodida asosiy uskunalarning katta qismi yangilangan yoki butunlay almashtirilgan. Bo‘yoqlash sexida zamonaviy texnologiyalar va materiallar ishlatiladi. Xususan, bo‘yash sexida texnik jarayonni yaxshilash maqsadida himoya qiluvchi tunel paydo bo‘ldi, avtomobil kuzovlari bo‘yashdan oldin changdan tozalanadigan bo‘ldi, barcha jarayonlar “yuqori darajada avtomatlashtirildi”.
Undan tashqari, korxona avtomobil kuzovini bo‘yash haida qiziqarli infografikani namoyish qildi.
Eslatib o‘tamiz, Ravon brendi ostida R2, Nexia va Gentra modellari sotilmoqda. Ushbu avtomobillar sobiq Chevrolet Spark, Chevrolet Aveo va Chevrolet Lacetti avtomobillari bo‘lib, Rossiya bozorida Ravon brendi ostida sotiladi. Yaqin orada yangi modellar paydo bo‘lishi kutilmoqda.
