TOShKENT, 11 sen – Sputnik. Moskva yo‘lovchi transport tizimida yangi halqa temir yo‘li ishga tushdi. Kecha, 10-sentabr kuni Moskva Markaziy Halqasi ochilish marosimi bo‘lib o‘tdi.
Yangi halqa temir yo‘li asosan yer ustidan o‘tgan bo‘lsada, u Moskva metropoliteni tizimiga kiritilgan. MMHnigng umumiy uzunligi 54 km, bekatlar son 31ta.
Birinchi bosqichda, 26 bekat ishga tushadi, qolgan 5ta bekat 2016-yil oxiriga qadar ishga tushishi kerak.
Yangi halqa yo‘lining 17 bekatida Moskva metropolitenining radial yo‘llari bekatlariga bilan kesishgan va ushbu bekatlarga o‘tish joylari qurilgan. Hozircha o‘tish joylarining faqat beshtasi yopiq va issiq. Qolgan bekatlarga o‘tish uchun ko‘chaga chiqish kerak.
Markaziy halqa yo‘lida 2016-yilda Qozon, Leningrad, Belorus, Yaroslav va Smolensk yo‘nalishlaridagi elektrichkalar bekatlariga o‘tish joylari quriladi. Kelasi yilda Pavelesk, Riga, Kursk va Gorkiy yo‘nalishidagi elektrichkalar bilan tutashtiriladi.
Markaziy halqa yo‘li tong soat 05:30 dan tun 01.00 gacha ishlaydi. Poyezdlar yurish intervali, yo‘lovchilar soniga qarab, 6 minut dan 11-15 minutgacha. Butun halqani aylanib chiqish uchun esa — 75-85 minut vaqt ketadi.
Moskva Markaziy halqasida ES2G "Lastochka" (Siemens Desiro RUS) nomli poyezdlar ishlaydi. Har kuni halqa yo‘lda har biri 5 vagondan iborat bo‘lgan, 30 ta sostav ishlaydi. Poyezdlarga texnik xizmat ko‘rsatish bilan Siemens kompaniyasi shug‘ullanadi.
Loyihaning umumiy qiymati 130,3 milliard rublni tashkil qildi. Halqa yo‘li orqali tunda yuk tashish imkoniyati ham saqlanib qolgan. Ayni damda 12 ta yuk platformalari ham ishlab turibdi.
Loyiha qurishdan asosiy maqsad – markaziy temiryo‘l bekatlari va Moskva metropolitenida yo‘lovchilar sonini kamaytirish.
