TOShKENT, 11 sen — Sputnik. 9 sentabrda Shimoliy Koreyada o‘tkazilgan navbatdagi yadro sinovlari O‘zbekistonni xavotirga soldi, deb xabar qildi Jahon axborot agentligi.
“O‘zbekiston Pxenyandan dunyoda barqarorlikni buzayotgan xavfli sinovlarni to‘xtatib, mavjud bo‘lgan muamolarni tinchlik va diplomatiya yo‘li bilan hal qilishni so‘raydi”, — deyilgan xabarda.
Xabarda aytilishiga ko‘ra, yadroviy sinovlar o‘tkazish BMT Xavfsizlik Kengashi rezolyutsiyalarini buzib, hudud va butun dunyo xavfsizligiga tahdid solmoqda.
