Analitika

Siyosatshunos: oʻzbek-tojik muammosi kamida 10 yilda hal boʻladi

© Institut stran SNG. Andrey Grozin
Andrey Grozin - Sputnik Oʻzbekiston
Siyosatshunos Andrey Grozin Mirziyoyevning hokimiyat tepasiga kelishi ikki davlat oʻrtasidagi uzoq yillardan buyon davom etib kelayotgan muammolar yechimini tezlashtirmaydi, deb hisoblaydi.

 

TOSHKENT, 12 sen — Sputnik, Mariya Sheludyakova. Rossiyalik siyosatshunos, Markaziy Osiyo boʻyicha ekspert Andrey Grozin Oʻzbekistonda yangi prezident saylanishi Toshkent va Dushanbe orasidagi munosabatlarda tub oʻzgarishlarga olib kelmaydi degan fikrda, deb xabar beradi Sputnik Tojikiston.

SSSR tarqalib ketganidan soʻng ikki qoʻshni davlat oʻrtasida murakkab munosabatlar yuzaga keldi. 1992 yildan buyon Tojikiston va Oʻzbekiston oʻrtasida havo qatnovi amalga oshirilmaydi. 2001 yilda esa ikki davlat oʻzaro viza tartibini joriy qilgan. Bundan tashqari Toshkent butun hududga xavf solishi mumkinligini bildirib Tojikistondagi Rogʻun GESi qurilishiga qarshi chiqmoqda.

Ekspertning fikricha, "tojik-oʻzbek muammoasi" kamida oʻn yilda hal boʻladi va buning uchun har ikki tomon murosaga kelishni istashi lozimligini taʼkidladi: "Tango raqsi uchun ikki kishi kerak boʻladi. Bu yerda birinchi navbatda Oʻzbekistonning pozitsiyasini hisobga olish lozim".

"Muammolar yechimi uchun ular chuqurlashib borgan oʻtgan davrchalik vaqt kerak boʻladi. Vaziyatning ijobiy rivojlanishi va barcha muzokarachi tomonlarning istaklari mos kelsa bu muammo taxminan oʻn yildan soʻng barham topadi", — deydi Andrey Grozin.

Ayrim ekspertlar Shavkat Mirziyoyevning tugʻilgan joyi haqidagi qarama-qarshi maʼlumotlarga tayanib bahsli masalalar tez orada hal boʻlishini bashorat qilishgandi. Biroq rasmiy maʼlumotga koʻra Shavkat Mirziyoyev Jizzax viloyatida tugʻilgan.

KXSHT malakatlari bayroqlari - Sputnik Oʻzbekiston
Siyosat
OAV: Shavkat Mirziyoyev Oʻzbekistonni KXSHTga boshlamaydi

"Oʻzbeklar orasida u yoki bu rahbarning kelib chiqishi sof oʻzbek emasligi haqida mish-mishlar yuradi. Bu narsa Markaziy Osiyoning boshqa respublikalariga ham xos", — deydi siyosatshunos.

Grozinning aytishicha, Markaziy Osiyo hududida "Siyosiy yetakchining sof qirgʻiz emasligi, yoxud sof tojik emas va yoki sof oʻzbek emasligi” haqidagi bunday mish-mishlar barcha rahbarlar toʻgʻrisida tarqalgan.

"Bu ommaviy adashishdir. Bu holat oʻn yil ilgari ham va sovet davrida ham bor edi. Kimning qayerda tugʻilgani, qanday elatga mansubligi u yoki bu davlatning umumiy siyosiy yoʻnalishiga taʼsir koʻrsatmaydi. Hattoki mish-mishlar toʻgʻri boʻlib chiqqanida ham bu omil davlatlararo munosabatlar darajasida aks etmaydi", — deydi ekspert.

Oʻzbekiston Oliy Majlisi Qonunchilik palatasi va Senati Kengashining qoʻshma majlisi 8 sentyabr kuni boʻlib oʻtdi. Unda Oʻzbekiston Respublikasi Prezidenti vazifasini vaqtincha bajaruvchi etib Oʻzbekiston Bosh vaziri Shavkat Mirziyoyev tayinlandi.

Respublika Konstitutsiyasiga muvofiq, Oʻzbekiston Respublikasining amaldagi prezidenti oʻz vazifalarini bajara olmaydigan holatlarda uning vazifa va vakolatlari vaqtincha Oʻzbekiston Respublikasi Oliy Majlisi Senati raisi zimmasiga yuklatiladi. Lekin Oliy Majlis Senati Raisi Yoʻldoshev bu vakolatni qabul qilishni rad etdi.

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala