Nazarboyev: Biz buyuk insondan ayrildik

“Ishonchim komil, oʻzbekistonliklarning keyingi avlodi, davlat rahbarlari Islom Karimov nomini bir umr yodda saqlaydilar. Uning salmoqli merosi, davlat arbobi sifatidagi faoliyati natijalari avlodlar tomonidan oʻrganiladi, amalga oshirgan ishlari esa oʻzbek xalqining tarixiga zarhal harflar bilan bitiladi", dedi Nazarboyev.

TOSHKENT, 12 sen – Sputnik. Qozogʻiston prezidenti Nursulton Nazarboyev Oʻzbekistonning birinchi Prezidenti Islom Karimov xotirasiga hurmat bajo keltirish uchun Samarqand shahriga tashrif buyurdi va  Karimov qabriga gul qoʻydi, deb xabar beradi Qozogʻiston prezidentining matbuot xizmati.

Nazarboyev yigʻilganlarga yuzlanar ekan, ularni uzoq yillar davomida mustahkam doʻstlik rishtasi, oʻzaro bir-birini tushunish va qoʻllab-quvvatlash tuygʻulari bogʻlab kelganini taʼkidladi.

“Ishonchim komil, oʻzbekistonliklarning keyingi avlodi, davlat rahbarlari Islom Karimov nomini bir umr yodda saqlaydilar. Uning salmoqli merosi, davlat arbobi sifatidagi faoliyati natijalari avlodlar tomonidan oʻrganiladi, amalga oshirgan ishlari esa oʻzbek xalqining tarixiga zarhal harflar bilan bitiladi. U jahondagi taniqli yetakchi davlat arbobi edi, xalq farovonligi, mamlakat obodligi va iqtisodiyotining ravnaqi uning nomi bilan bogʻliq. Biz buyuk insondan ayrildik”, deya Nazarboyevning soʻzlari keltiriladi xabarda.

Nursulton Nazarboyev shuningdek ikki qardosh davlat oʻrtasidagi tarixiy va strategik aloqalarning mustahkamlanishida Oʻzbekistonning birinchi Prezidentining beqiyos roli borligini taʼkidladi.

Qozogʻiston prezidenti Samarqandga tashrif buyurdi - Sputnik Oʻzbekiston
Qozogʻiston prezidenti Islom Karimov qabrini ziyorat qildi

“Qozoq va oʻzbek xali doimo bir-birlariga yelkadosh boʻlgan. Biz Islom Abdugʻaniyevich bilan 1998 yilda Xoja Ahmad Yassaviy mavzoleyi oldida abadiy doʻstlik shartnomasini imzolaganmiz va barcha munosabatlarimiz ana shu bitimga asoslangan. Qozogʻiston har doim oʻzbek xalqi bilan yonma-yon turgan va shunday boʻlib qoladi, biz xursandchilikni ham, qaygʻuli damlarni ham birga oʻtkazamiz”, dedi Qozogʻiston rahbari.

 

© Press-slujba prezidenta respubliki KazaxstanQozogʻiston prezidenti Samarqandga tashrif buyurdi
Qozogʻiston prezidenti Samarqandga tashrif buyurdi - Sputnik Oʻzbekiston
Qozogʻiston prezidenti Samarqandga tashrif buyurdi

 

Nursulton Nazarboyev Islom Karimov oilasi bilan ham uchrashdi va ularga Qozogʻiston xalqi hamda shaxsan oʻz nomidan chuqur taʼziya bildirdi.

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala