TOShKENT, 21 sen — Sputnik. Eksport qilinadigan eng qimmat oziq-ovqatlar ro‘yxatidan quritilgan mevalar o‘rin oldi. Sabzavotlar esa – eng arzon eksport mahsulotlari bo‘ldi, nuz.uz xabari asosida.
Ma’lumotlarga ko‘ra, quritilgan olxo‘ri narxi tonnasiga 1460 —1898 $, turshak – 1175 – 1528 $, sariq mayiz 1475 — 1918 $ni tashkil qilgan.
Qayta ishlangan va po‘stloq va danakdan tozalangan mahsulotlar narxi balandroq. Tozalangan bodom eksport narxi sifatiga qarab 7050 - 9000 $ni, yong‘oq mag‘zi esa 4900 — 5400 dollarni tashkil qildi.
Eksport qilinadigan oziq-ovqatlar orasida eng arzon mahsulotlar karam va lavlagi ekan. Ularning o‘rtacha narxi tonnasiga 40–55 $ dan belgilangan.
Barcha narxlar 20-sentabr holatiga, dunyo bozorlaridagi narxlarni hisobga olgan holda, FCA shartiga ko‘ra, ya’ni xaridorgacha yetkizib berish sotuvchi hisobidan, ko‘rsatilgan.
O‘zbekiston bilan qo‘shni bo‘lgan mamlakatlar uchun, yuqorida ko‘rsatilgan mevalar narxi 5-6% ga qimmatroq belgilangan.
