Hodisalar

Andijondan olib qochilgan "Lasetti" Fargʻonada toʻxtatildi

© Sputnik / Igor Russak / Fotobankka oʻtishAvtomashina
Avtomashina - Sputnik Oʻzbekiston
Jinoyatni sodir etishda gumonlanuvchi shaxs Surxondaryo viloyati Sherobod tumanida yashovchi 21 yoshli fuqaro boʻlib chiqdi.

TOSHKENT, 23 sen – Sputnik. Andijon shahar IIB navbatchilik qismiga shu shaharda yashovchi fuqaro ariza bilan murojaat qilib, oʻzining "Lasetti" rusumli avtomobili olib qochib ketilgani haqida xabar qildi, deyiladi Oʻzbekiston Respublikasi IIV matbuot markazi xabarida.

Voqea joyiga yetib kelgan ichki ishlar organlari xodimlari tomonidan aniqlanishicha, mashina egasi avtomobilini B.Rahimov koʻchasidagi savdo doʻkoni oldida qarovsiz qoldirganligi oqibatida olib qochib ketilganligi maʼlum boʻlgan.

"Tezkorlik bilan olib borilgan chora-tadbirlar natijasida olib qochilgan avtomashina Fargʻona viloyati Dangʻara tumanida toʻxtatildi. Jinoyatni sodir etishda gumonlanuvchi shaxs Surxondaryo viloyati Sherobod tumanida yashovchi 21 yoshli fuqaro boʻlib chiqdi", deyiladi xabarda.

Mazkur holat boʻyicha jinoyat ishi qoʻzgʻatilib, tergov harakatlari olib borilmoqda.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala