Analitika

Ekspert: Afgʻonistonda narkotrafikning oʻsgani haqidagi xabar yolgʻon

© Iz lichnogo arxiva avtoraEkspert Aleksandr Knyazev
Ekspert Aleksandr Knyazev - Sputnik Oʻzbekiston
Keyingi kunlarda oʻzbek-afgʻon chegarasida giyohvand moddalar olib oʻtilishi koʻpaygani haqida tez-tez xabar tarqalmoqda.

TOSHKENT, 23 sen — Sputnik, Mariya Sheludyakova. Sputnik muxbiri narkokuryerlarning faollashishiga qanday omillar sabab boʻlishi mumkinligi haqida bilish uchun Markaziy Osiyo boʻyicha ekspertga murojaat qildi. Afgʻoniston bilan chegarada narkotrafikning kuchaygani haqidagi xabarlarning tarqalishi eng avvalo Oʻzbekistondagi hokimiyat almashinuvi jarayoni bilan bogʻliq, dedi siyosatshunos Aleksandr Knyazev.

Ekspertning fikricha, birinchi Prezident Islom Karimovning vafotidan keyin Oʻzbekistonda "noodatiy jarayonlar" yuz berayotganini koʻrsatish istagidagi "tashqi kuchlar" koʻpaydi. Bunday xabarlarni jiddiy qabul qilmaslik lozim, dedi u respublikaning geografik joylashuviga ishora qilib.

Afgʻon-oʻzbek chegarasida Amudaryoning eng keng qismi joylashgan. Daryoning kengligi ayrim joylarda 1,5 kilometrni tashkil etadi. Bundan tashqari, sovet davridan boshlab Oʻzbekiston tomonida jiddiy muhandislik inshootlari, sohil boʻylab toʻliq minalashtirilgan joylar  mavjud. Yagona oʻtish punkti Doʻstlik koʻprigi boʻlib, bu yerda bojxona-chegara nazorati oʻrnatilgan.

Giyohvand modda - Sputnik Oʻzbekiston
Hodisalar
Oʻzbek maxsus xizmatlari afyunfurushni qoʻlga tushirishdi

"Bu ochiq-oydin yolgʻon axborot. Statistika boʻyicha Afgʻonistonda ishlab chiqarilgan giyohvandlik moddalarining 80 %dan ortigʻi Tojikiston yoki kamroq miqdorda Turkmaniston tomondan oʻtadi, Afgʻonistondan emas, — dedi Knyazev. — Eng muammoli hudud Qirgʻiziston tomon. Chegara xuddi front chizigʻiga oʻxshaydi, giyohvand modda toʻgʻridan-toʻgʻri olib oʻtilishining iloji yoʻq".

Haqiqatan, Afgʻoniston va Oʻzbekiston chegarasini himoyalanish jihatidan Shimoliy va Janubiy Koreya oʻrtasidagi chegaraga qiyoslashadi. Giyohvand moddalar oqimi Tojikiston chegarasining sharqiy qismi orqali qirgʻiz hududi boʻylab Oʻzbekistonga oʻtadi.

Afgʻonistondan oʻtadigan narkotrafik muammosi mana 15 yildirki Markaziy Osiyo mamlakatlari uchun jiddiy hududiy muammo boʻlib qolmoqda — jahondagi afyunning 90 foizi ushbu mamlakatdan eksport qilinadi.

BMTning giyohvandlik va jinoyatlar boʻyicha boshqarmasining maʼlumotlariga qaraganda, Afgʻonistondan har yili yetti ming tonnaga yaqin geroin xorijga chiqariladi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala