"Dunyo politsiyachisi" bo‘lmish AQSh o‘z tartib-qoidalarini o‘rnata boshlasa nima bo‘lishi oydinlashdi

© Sputnik / Stringer / Mediabankka o‘tishAmerika harbiylari
Amerika harbiylari - Sputnik O‘zbekiston
Obuna bo‘lish
NATO sobiq Bosh kotibi Foga Rasmussenning AQSh "dunyo politsiyachisi"ga aylanishi kerak, degan bayonoti - sariq chaqaga ham arzimaydigan gapdir - bunga iqror bo‘lish uchun Vashington endi-endi bu rolni o‘ziga bichib ko‘ra boshlagan paytlarda nimalar ro‘y berganini esga olishning o‘zi kifoya, deb yozadi The National Interest

TOShKENT, 4 okt — Sputnik. AQShning "dunyo politsiyachisi" bo‘lishga intilishi xitoylik politsiyachilarning Nyu-Yorkka kelib, u yerda Xitoy qonun-qoidalari asosida tartib o‘rnata boshlashlari bilan barobardir, deb yozadi maqola muallifi. RIA Novosti xabari asosida.

NATO bayrog‘i - Sputnik O‘zbekiston
NATO sobiq bosh kotibi AQShni “jahon politsiyachisi” bo‘lishga chaqirdi
Qo‘shma Shtatlar boshqa mamlakatda ro‘y berayotgan fuqarolik urushi haqida shunga asos bo‘lgan taqdirda "havotir bildirishlari" mumkin, deb yozadi The National Interest.

"Misol uchun, Vashington odamlarga insonparvarlik yordamini ko‘rsatishi yoxud mojaroni diplomatik yo‘l bilan hal etishda ko‘makdosh bo‘lishi mumkin", — deyilgan maqolada.

"Ammo Qo‘shma Shtatlar mojaroda qatnashuvchi tomonlardan birini qo‘llab-quvvatlash uchun o‘z harbiylaridan foydalanishi va o‘ziga maqbul bo‘lmaganlarni o‘ldirishi mumkinmas", — deya qo‘shimcha qilinadi maqolada.

AQShning jahonga "dunyo jandarmi" sifatida nechog‘lik kerak ekanligini anglash uchun Vashingtonning so‘nggi o‘n yillikda ushbu rolni o‘ynash uchun qilgan hatti-harakatlaridan nechog‘lik foyda bo‘lganini tahlil qilishning o‘zi kifoya, deb ta’kidlaydi maqola muallifi.

"Javob topish ko‘p vaqtni olmaydi — yo‘q. AQShning boshqa mamlakatlarga suqilib kirishi ko‘pdan-ko‘p hollarda vaziyatni yanada yomonlashtirgan. Amerika tomonidan amalga oshirilgan harbiy operatsiyalarning hech biri tinchlikni qayta tiklashga xizmat qilmagan", — deb yozadi The National Interest.

F-22 qiruvchisi, AQSh HHK - Sputnik O‘zbekiston
Washington Post: Amerika eng qiyin paytda o‘z ittifoqdoshlarini tashlab ketdi
Maqola muallifiga ko‘ra, AQShning Iroqdagi hatti-harakatlari yuz minglab tinch aholining nobud bo‘lishiga olib kelgan, shu bilan birga hanuzga qadar Iroq urushini to‘xtatishning chorasi topilgani yo‘q. Afg‘onistonga AQShning bostirib kirishi terrorchilar guruhlari bosh ko‘tarishi hamda Tolibon yaratilishiga olib keldi. Liviya haligacha qonli fuqarolar urushi girdobidan chiqa olgani yo‘q. Harbiy kuchning Suriya, Pokiston, Yaman va Somalida qo‘llanilishi esa zo‘ravonlikni kuchaytirdi, xolos.

Qo‘shma Shtatlar o‘n yillar davomida "dunyo jandarmi" vazifasini bajarishga xarchand urinmasin, ammo hech qanday natijaga erishaolmadi va ular buni tan olishlari shart, deb xotima yasaydi maqola muallifi.

Yangiliklar lentasi
0