Turizm

Toshkentda kelasi yili Hilton mehmonxonasi ish boshlashi mumkin

© Sputnik / StringerInternational Hotel Tashkent
International Hotel Tashkent - Sputnik Oʻzbekiston
2014 yilda Hilton vakillari bilan International Hotel Tashkent mehmonxonasini ularning boshqaruviga oʻtkazish borasida kelishuvga erishilgandi

Toshkent, 4 okt — Sputnik. Toshkentda kelasi yili butun dunyoga mashhur Hilton brendi ostidagi mehmonxona paydo boʻlishi mumkin, deb xabar berdi Sputnik muxbiriga "zbekturizm"dagi manba.

2014 yilda Hilton xalqaro mehmonxonalar tarmogʻi vakillari bilan poytaxt biznes-markazida joylashgan International Hotel Tashkent mehmonxonasini ularning boshqaruviga oʻtkazish borasida kelishuvga erishilgandi.

"Oʻzbekturizm" vakilining maʼlum qilishicha, bugungi kunda International Hotel Tashkent ning chap qanotida Hilton standartlari boʻyicha taʼmirlash ishlari olib borilmoqda.

"Hiltonning majburiy talablaridan biri obʼyektni yagona tanuv uslubida rekonstruktsiya qilishdir. Rekonstruktsiya ishlari Hilton talablariga muvofiq olib borilmoqda, kelasi yili ishlar yakuniga yetganidan keyin mehmonxona ushbu brend ostida ishlay boshlaydi. Barcha ishlar qachon yakuniga yetishi haqida aniq aytish qiyin, lekin muntazam ish olib borilmoqda", — dedi manba.

Eslatib oʻtamiz, 1997 yildan boshlab ushbu mehmonxonani InterSontinental xalqaro tarmogʻi boshqargandi. 2012 yil mayida Oʻzbekiston hukumati va InterSontinental vakillari obʼyektni boshqarish boʻyicha shartnomani uzaytirish borasida kelisha olishmagan.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala