Sergelidagi yangi metroning loyihasi suratlari paydo bo‘ldi

© Sputnik / / StringerYangi metro loyihasi
Yangi metro loyihasi - Sputnik O‘zbekiston
Obuna bo‘lish
Sergeli tumanidagi yer usti metrosi oltita bekatni o‘z ichiga oladi

TOShKENT, 5 okt — Sputnik. Sputnik muxbirlari qurilishi joriy yildan boshlanishi rejalashtirilgan Toshkentning Sergeli tumanidagi yer usti metrosi loyihasining suratlari bilan tanishishdi.

Loyiha suratlariga ko‘ra, bu xay-tek uslubida temir, oyna va plastiklardan foydalanib bitkazilgan ajoyib loyiha bo‘ladi. Yo‘lovchilar va piyodalarning xavfsizligini ta’minlash maqsadida bekatlar yo‘l sathidan olti metr balandlikda joylashadi.

© Sputnik / / StringerYangi metro liniyasi loyihasi surati
Yangi metro liniyasi loyihasi surati - Sputnik O‘zbekiston
Yangi metro liniyasi loyihasi surati

Muxbirlar qo‘lidagi loyiha "O‘zgarish" bekatiga tegishli bo‘lib, undan tashqari yana beshta bekat quriladi — ularning ayrimlari loyihaviy nomga ega — "Choshtepa", "Do‘stlik", "Sergeli". Yangi yo‘lning uzunligi sakkiz kilometrdan ziyod bo‘ladi. Dastlabki hisob-kitoblarga qaraganda, loyihani amalga oshirish uchun to‘rt yil sarflanadi.

Toshkent metrosining yangilangan poyezdi - Sputnik O‘zbekiston
Sergeli metrosining qurilishi joriy yildan boshlanadi

Eslatib o‘tamiz, poytaxt metropolitenini istiqbolda rivojlantirish loyihasida 30ta yangi bekat qurilishi, jumladan O‘zbekiston yo‘lining Qo‘yliq bozoriga qadar va Chilonzor yo‘lining Qorasuv dahasi tomon davom ettirilishi ko‘zda tutilgan.

Bundan tashqari, shaharning faol rivojlanayotgan tumanlarini ham qamrab olishi kutilayotgan metropolitenning yangi liniyalarini tashkil etish ham rejalashtirilgan. Masalan, to‘qqizta bekatdan iborat bo‘lgan yangi yo‘llardan biri "Ippodrom"dan Algoritm massivi, Chilonzordagi 30-31-kvartallar, "O‘rikzor" bozori orqali Qoraqamish massiviga boradi.

Yangiliklar lentasi
0