Madaniyat

"Oʻzbegim yoshlari" ozarbayjonliklar mehrini qozondi

© Sayt ansamblya"Oʻzbegim yoshlari" ansambli
Oʻzbegim yoshlari ansambli - Sputnik Oʻzbekiston
Boku shahrida oʻtkazilgan xalqaro yoshlar festivalida Ozarbayjon, Oʻzbekiston, Qozogʻiston, Turkmaniston, Qirgʻiziston, Turkiya va Qatar davlatlarining ijodkor yoshlari qatnashdilar

TOSHKENT, 6 okt — Sputnik. "Oʻzbegim yoshlari" musiqa guruhi ozarbayjon shoiri Nizomiy Ganjaviyning tavallud ayyomiga bagʻishlab oʻtkazilgan xalqaro yoshlar festivalida "Eng yaxshi chiqish va ijro" nominatsiyasida mukofotga sazovor boʻldi, deb xabar beradi "Kultura.uz".

Festivalda Ozarbayjon, Oʻzbekiston, Qozogʻiston, Turkmaniston, Qirgʻiziston, Turkiya va Qatar davlatlarining ijodkor yoshlari qatnashdilar.

Festival dasturidan xalqaro konferentsiya, sanʼatkorlar bilan ijodiy uchrashuvlar, yosh fotograflar koʻrgazmasi, milliy taomlar festivali va katta gala-kontsert oʻrin oldi. Koʻp sonli tomoshabinlar oldida chiqish qilgan har bir davlat vakillari oʻz yurtining madaniy xilma-xilligini ochib berishga harakat qildi.

"Oʻzbegim yoshlari" guruhining yosh sanʼatkorlari oʻzlarining ajoyib musiqiy va raqs chiqishlari bilan ozarbayjonlik muxlislar eʼtiborini qozondilar.

Festival yakunida oʻzbekistonlik sanʼatkor yoshlarga  "Eng yaxshi chiqish va ijro" nominatsiyasidagi mukofotni Ganja shahri merligi rahbari Elmar Veliyev topshirdi.

Festival davomida uning ishtirokchilari buyuk ozarbayjon shoiri Nizomiy Ganjaviyning mavzoleyiga tashrif buyurdilar, Koʻkkoʻl koʻli va Koʻkkoʻl milliy parkida boʻldilar.

Samarqandlik sakkiz yashar musiqachi Ispaniyadagi tanlovda gʻolib boʻldi - Sputnik Oʻzbekiston
Madaniyat
Bulungʻurlik 8 yashar Isfandiyor Ispaniyadagi musiqa tanlovida gʻolib boʻldi

Ozarbayjonda "Oʻzbegim yoshlari" ansambli shuningdek, Bokudagi Icheri sheher tumanida oʻz kontsert dasturini namoyish etdi. Sanʼatkorlar ochiq osmon ostida chiqish qildilar. Muxlislar ularning chiqishlarini gulduros qarsaklar bilan olqishladilar.

Ansambl badiiy rahbari Lutfiya Roʻziboyevaning aytishicha, ansamblning asosiy maqsadi oʻzbek madaniy anʼanalarini saqlab qolish va avlodlarga qoldirish, jahon hamjamiyatini Oʻzbekiston xalqlarining folklori, qoʻshiq va raqslari, milliy kiyimlari bilan tanishtirishdan iborat.

"Oʻzbegim yoshlari" tarkibida yuzdan ortiq kishi qatnashadi. Ansambl Xitoy, Janubiy Koreya, Malayziya, Indoneziya, Turkiya va Yevropadagi qator mamlakatlarda chiqishlar qilgan. Ansambl aʼzolari orasida xalqaro tanlov va festivallarning gʻoliblari ham bor.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala