Jamiyat

Oʻzbekistonda transport vositasini olib qochganlik uchun javobgarlik kuchaytirilmoqda

© Sputnik / Aleksey Babushkin / Fotobankka oʻtishYoʻldagi transport harakati
Yoʻldagi transport harakati - Sputnik Oʻzbekiston
Soʻnggi uch yil mobaynida transport vositasini olib qochish jinoyatlari 65 foizga oshgan

TOSHKENT, 7 okt – Sputnik. Ayni paytda deputatlar yalpi majlisda Oʻzbekiston Respublikasi Bosh prokurori tomonidan qonunchilik tashabbusi tartibida kiritilgan qonun loyihasi muhokama qilmoqda. Unga koʻra, Jinoyat kodeksining 168- va 267-moddalariga qoʻshimcha kiritish nazarda tutilgan, deb xabar beradi "Novosti Uzbekistana" Oliy Majlis Qonunchilik palatasi Matbuot xizmatiga asoslanib.

Amerika valyutasi konvert ichida - Sputnik Oʻzbekiston
Jamiyat
Yil oxiriga qadar Oʻzbekistonda korruptsiyaga qarshi kurash toʻgʻrisidagi qonun ishlab chiqiladi

Qonunchilik va sud-huquq masalalari qoʻmitasi aʼzosi Sherzod Toʻxtashevning soʻzlariga qaraganda, olib borilgan tahlillarga koʻra, soʻnggi uch yil mobaynida transport vositasini olib qochish jinoyatlari 65 foizga oshgan. Shu bois, transport vositasini olib qochish jinoyati uchun jazoning sodir etilgan qilmishga mutanosibligini taʼminlash, jinoyat qonunchiligining ogohlantiruvchi-profilaktik funktsiyasi samaradorligini oshirish maqsadida Jinoyat kodeksiga tegishli oʻzgartishlar kiritilmoqda.

Qonun loyihasiga koʻra, ogʻirlashtiruvchi holatlarsiz avtotransport vositasini olib qochganlik uchun 5 yildan 10 yilgacha (amalda – 3-5 yilgacha), bir guruh shaxslar tomonidan sodir etilgan boʻlsa 10 yildan 15 yilgacha (amalda – 5-10 yilgacha), uyushgan guruh tomonidan sodir etilgan boʻlsa 15 yildan 20 yilgacha (amalda – 10-15 yil) ozodlikdan mahrum qilish jazosini belgilash koʻzda tutilmoqda.

Shuningdek, xabarda aytilishicha,soʻnggi yillarda firibgarlikni oʻziga kasb qilib, oʻzgalarni aldash yoki ishonchini suiisteʼmol qilish yoʻli bilan muayyan mulkka egalik qilish huquqini qoʻlga kiritayotgan shaxslar ustidan tegishli organlarga murojaatlar koʻpaygan.

– Tahlillar shuni koʻrsatdiki, aybdor shaxslarga nisbatan tegishli jazo choralarining qoʻllanishi, jinoyatlarning oldini olish boʻyicha tizimli ravishda profilaktik tadbirlar amalga oshirilishiga qaramasdan, fuqarolarning shaxsiy mulkini egallash bilan bogʻliq ayrim toifadagi jinoyatlarning oʻsib borishi kuzatilmoqda, – deydi Qonunchilik va sud-huquq masalalari qoʻmitasi aʼzosi Davron Aripov. – Jazoning sodir qilingan jinoyatga mutanosibligini taʼminlash, bunday qilmishlarning oldini olishga qaratilgan chora-tadbirlarning samaradorligini oshirish maqsadida kodeksning 168-moddasiga tegishli tartibda oʻzgartishlar kiritilmoqda.

Binokl tutgan erkak - Sputnik Oʻzbekiston
Jamiyat
Oʻzbekistonda shaxsiy hayot daxlsizligi qonun bilan himoyalandi

Xususan, firibgarlikning barcha turlari va holatlarida qoʻllanilib kelgan jazo muddatlari, jarimalar miqdori uzaytirilmoqda. Agar ushbu holat juda koʻp miqdorda yoki uyushgan guruh tomonidan sodir etilgan boʻlsa eng kam oylik ish haqining 400-600 baravari miqdoridagi jarimadan 8-10 yilgacha ozodlikdan mahrum qilishgacha belgilash taklif etilmoqda (amalda – 5-10 yilgacha). Bunday oʻzgarishlar mazkur moddaning barcha shakllariga tegishli.

Qonun loyihasi yuridik va jismoniy shaxslarning huquqlari himoyasini kuchaytirish, jinoyat uchun jazoning muqarrarligini taʼminlash, shuningdek jinoyachilikka qarshi kurash choralarining samaradorligini oshirishga qaratilgan, deyiladi xabarda.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala