O‘zbekistonda YaIM to‘qqiz oy davomida 7,8 %ga o‘sdi

Obuna bo‘lish
2016 yil 9 oyi yakunlari bo‘yicha O‘zbekiston yalpi ichki mahsuloti o‘sishi 7,8 %ni tashkil etdi, deya xabar qilindi 13-oktabr kuni Prezident vazifasini bajaruvchi Shavkat Mirziyoyev raisligida o‘tgan Vazirlar Mahkamasi yig‘ilishida

TOShKENT, 14 okt — Sputnik. 2016-yil 13-oktabrda Vazirlar Mahkamasining joriy yil 9 oyida respublikani ijtimoiy-iqtisodiy rivojlantirish yakunlarini, 2016-yilgi iqtisodiy dasturning eng muhim yo‘nalishlari va ustuvor vazifalarini amalga oshirish natijadorligini muhokama qilishga bag‘ishlangan majlisi bo‘lib o‘tdi, deb xabar qiladi O‘zbekiston TIV matbuot-xizmati.

O‘zbek-koreys to‘qimachilik texnoparki - Sputnik O‘zbekiston
OAV: O‘zbekiston iqtisodiy o‘sish bo‘yicha jahon yetakchilari qatoriga kirdi
Xabarga ko‘ra, joriy yil 9 oyi yakunlari bo‘yicha mamlakat yalpi ichki mahsuloti o‘sishi 7,8 %ni, sanoat o‘sishi 7,2 %ni, chakana savdo aylanmasi o‘sishi 14,2 %ni, xizmatlar ko‘rsatish hajmi o‘sishi 12,4 %ni tashkil etgan.

Davlat budjeti yalpi ichki mahsulotga nisbatan 0,1 % miqdorida profitsit bilan ijro etilgan. Inflyatsiya darajasi prognoz parametrlaridan oshmagan.

O‘tgan 9 oyda o‘rtacha oylik ish haqi 12,6 %ga oshgan, joriy yil 1-oktabrdan esa budjet sohasi xodimlarining ish haqi, pensiyalar, nafaqalar va stipendiyalar yana 15 %ga oshirilgan. Yangi qishloq massivlarida zamonaviy namunaviy loyihalar bo‘yicha 12 mingtadan ortiq shinam va qulay shaxsiy uy-joy foydalanishga topshirilgan.

"Qishloq xo‘jaligi sohasini rivojlantirish, modernizatsiyalash va diversifikatsiyalash bo‘yicha dasturiy chora-tadbirlar faol amalga oshirilmoqda. Zamin zahmatkashlarining fidokorona mehnati va mirishkorligi tufayli, murakkab ob-havo sharoitlariga qaramay, qishloq xo‘jaligi mahsulotlarining boy hosili yetishtirildi va yig‘ishtirib olindi. Natijada qishloq xo‘jaligi mahsulotlari hajmi 6,4 %ga o‘sishi ta’minlandi", — deyiladi xabarda.

Uy loyihasi - Sputnik O‘zbekiston
Saudiyachilar O‘zbekistonda uylar qurilishiga 30 mln $ ajratdi
Xabarda keltirilishicha, "Sog‘lom ona va bola yili" Davlat dasturi uchun barcha manbalar hisobidan 6,8 trillion so‘mdan ortiq va 150 million AQSh dollari miqdoridagi mablag‘lar yo‘naltirilgan.

O‘zlashtirilgan investitsiyalar hajmi — 9,4 %ga, shu jumladan, xorijiy investitsiyalar — 11,2 %ga o‘sgan.

Yil boshidan buyon 2016-yilgi Investitsiya dasturi doirasida 100 ta yirik ishlab chiqarish obyekti ishga tushirildi. Yil oxirigacha 64 ta yirik ishlab chiqarish quvvatini foydalanishga topshirish mo‘ljallangan.

Yangiliklar lentasi
0