O‘zbekiston musulmon olami ichra bir-birini o‘zaro to‘g‘ri tushunishning tarafdori bo‘lib kelgan

Obuna bo‘lish
Xorijiy mamlakatlar ilmiy-akademik doiralarining vakillari Toshkentda bo‘lib o‘tadigan Islom hamkorlik tashkiloti Tashqi ishlar vazirlari kengashining navbatdagi 43-sessiyasi yuzasidan o‘z fikr-mulohazalarini bildirishmoqda

TOShKENT, 14 okt — Sputnik. 2016-yilning 18-19-oktabr kunlari Toshkentda Islom Hamkorlik Tashkiloti (IHT) Tashqi ishlari vazirlari kengashining navbatdagi 43-sessiyasi bo‘lib o‘tishi rejalashtirilgan.

Shu munosabat bilan xorijiy mamlakatlar ilmiy-akademik doiralarining vakillari o‘z fikr-mulohazalarini bildirishmoqda, deb xabar qilgan "Jahon" AA.

O‘zbekiston Tashqi ishlar vaziri Abdulaziz Kamilov va IHT Bosh kotibi Iyad bin Amin Madani - Sputnik O‘zbekiston
Abdulaziz Kamilov IHT Bosh kotibi bilan uchrashdi
Jumladan, Turkiyadagi G‘ozi universiteti Ijtimoiy fanlar fakulteti professori Ertugrul Yaman (Anqara) quyidagilarni bayon etgan: "Dunyoning turli mintaqalarida, shu jumladan, Yaqin va O‘rta Sharqda harbiy-siyosiy keskinliklar kuchayib borayotgan bir sharoitda islom dunyosi ichida bo‘lgani kabi turli dinlar vakillari o‘rtasida ham bag‘rikenglik, o‘zaro hurmat, tinchlik va hamjihatlikni mustahkamlash ishida Islom hamkorlik tashkilotining roli tobora o‘sib bormoqda.

Shu nuqtayi nazardan Islom hamkorlik tashkiloti Tashqi ishlar vazirlari kengashining navbatdagi 43-sessiyasi aynan O‘zbekistonda o‘tkazilishi alohida ma’no va ahamiyat kasb etadi. Negaki, O‘zbekiston hamisha musulmon olami ichra bir-birini o‘zaro to‘g‘ri tushunishning tarafdori bo‘lib kelgani holda o‘zining ko‘p asrlik tarixi davomida sivilizatsiyalar hamda turli xalqlar madaniyatlarining chorrahasi bo‘lib xizmat qilgan.

Shuni qayd etish joizki, ko‘p millatli O‘zbekiston mustaqillikning dastlabki kezlaridan boshlaboq vijdon va e’tiqod erkinligi ta’minlanishiga, jamiyatda dinlararo va fuqarolararo hamjihatlik mustahkamlanishiga, konfessiyalar va madaniyatlar o‘rtasidagi hamkorlikni rag‘batlantirishga alohida e’tibor qaratib kelmoqda.

Vid goroda Er-Riyad - stolisi Saudovskoy Aravii - Sputnik O‘zbekiston
O‘zbekiston Saudiya Arabistonida bo‘lib o‘tadigan IHT majlisida qatnashadi

Sharqning nozik ma’naviy qadriyatlari hamda zamonaviy demokratik tamoyillar suveren mamlakatda diniy mansubligidan qat’iy nazar har bir fuqaroga teng imkoniyatlar yaratish, inson huquqlarini himoya etishning yaxlit tizimini shakllantirish imkonini berdi. Shu bois bugungi kunda millatlararo do‘stlikning mustahkam rishtalari O‘zbekistonda tinchlik va barqarorlikni ta’minlamoqda. Bu ijobiy tajribani nafaqat Islom hamkorlik tashkilotiga a’zo bo‘lgan barcha davlatlarda, balki butun dunyoda chuqur tadqiq etish va tarqatish lozim, deb o‘ylayman".

Yangiliklar lentasi
0