O‘zbekistonda terrorchilar ro‘yxati tuziladi

© Sputnik / Andrey Stenin"Islom davlati" terrorchilik uyushmasi bayrog‘i
Islom davlati terrorchilik uyushmasi bayrog‘i - Sputnik O‘zbekiston
Obuna bo‘lish
O‘zbekiston hududida terrorchilik faoliyatida yoki ommaviy qirg‘in qurolini tarqatishda ishtirok etayotgan yoki ishtirok etishda gumon qilinayotgan shaxslarga, bevosita yoki bilvosita pul mablag‘lari yoki boshqa mol-mulkka, moddiy resurslarga, moliyaviy va boshqa xizmatlardan foydalanishga ruxsat berish taqiqlanadi

TOShKENT, 18 okt — Sputnik. O‘zbekiston bosh prokurori Ixtiyor Abdullayevning 30-sentabrdagi buyrug‘iga asosan Terrorchilik faoliyatida yoki ommaviy qirg‘in qurolini tarqatishda ishtirok etayotgan yoki ishtirok etishda gumon qilinayotgan shaxslar ro‘yxatiga kiritilgan shaxslarning operatsiyalarini to‘xtatib turish, pul mablag‘larini yoki boshqa mol-mulkini ishga solmay to‘xtatib qo‘yish, ishga solmay to‘xtatib qo‘yilgan mol-mulkidan foydalanishga ruxsat berish va operatsiyalarini tiklash tartibi to‘g‘risidagi nizom tasdiqlandi.

Nizomga muvofiq, O‘zbekiston fuqarolari va yuridik shaxslarga, chet el fuqarolari va yuridik shaxslarga hamda fuqaroligi bo‘lmagan shaxslarga O‘zbekiston hududida terrorchilik faoliyatida yoki ommaviy qirg‘in qurolini tarqatishda ishtirok etayotgan yoki ishtirok etishda gumon qilinayotgan shaxslar ro‘yxatiga kiritilgan shaxslarga, shuningdek, bevosita ularning topshirig‘i bo‘yicha faoliyat ko‘rsatayotgan shaxslarga, bevosita yoki bilvosita pul mablag‘lari yoki boshqa mol-mulkka, moddiy resurslarga, moliyaviy va boshqa xizmatlardan foydalanishga ruxsat berish taqiqlanadi.

Zokir Gasanovning O‘zbekistonga tashrifi - Sputnik O‘zbekiston
Ekspertlar: Toshkent va Boku terrorizmga qarshi birga kurashadi
Terrorchilik faoliyatida yoki ommaviy qirg‘in qurolini tarqatishda ishtirok etayotgan yoki ishtirok etishda gumon qilinayotgan shaxslar ro‘yxati terrorizmga, ommaviy qirg‘in qurolini tarqatishga qarshi kurashishni amalga oshiruvchi davlat organlari va O‘zbekistonning boshqa vakolatli organlaridan taqdim etilayotgan ma’lumotlar, shuningdek, chet davlatlarning vakolatli organlari va xalqaro tashkilotlaridan rasmiy kanallar orqali taqdim etilayotgan ma’lumotlar asosida O‘zbekiston Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti tomonidan tuziladi.

Ro‘yxat tuzilib, tasdiqlangandan keyin bir ish kunidan kechiktirmasdan Bosh prokuratura huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti tomonidan ichki nazorat qoidalarini hamkorlikda tasdiqlagan tegishli nazorat qiluvchi, litsenziyalovchi va ro‘yxatdan o‘tkazuvchi organlarga elektron shaklda yetkazib beradi va ro‘yxatni o‘zining veb-saytida joylashtiradi.

O‘zbekiston dunyoning eng xavfsiz mamlakatlari ruyxatidan joy oldi
Ro‘yxat ikkita — xalqaro va milliy bo‘limlardan iborat bo‘ladi. O‘z navbatida, har bir bo‘lim ikkitadan — terrorchilik faoliyatida ishtirok etayotgan yoki ishtirok etishda gumon qilinayotgan shaxslar hamda ommaviy qirg‘in qurolini tarqatishda ishtirok etayotgan yoki ishtirok etishda gumon qilinayotgan shaxslar boblariga bo‘linadi. Boblar esa ikkitadan qismga — jismoniy shaxslar va yuridik shaxslarga bo‘linadi.

Ro‘yxatga BMT Xavfsizlik Kengashi qo‘mitalari tomonidan tuzilgan yoxud BMT Xavfsizlik Kengashining tegishli rezolyutsiyalarini inobatga olgan holda tuzilgan qidiruvda, jumladan, xalqaro qidiruvda bo‘lgan va sanksion ro‘yxatga kiritilgan shaxs va tashkilotlar kiritiladi.

E’tiborlisi, ushbu ro‘yxat shakllanib bo‘lgandan keyin departament saytida ochiq holatda e’lon qilinadi.

Yangiliklar lentasi
0