Dunyoda

Turkiya bosh vaziri oʻrinbosari Uchinchi jahon urushiga olib keluvchi sababni aytdi

© AFP / BULENT KILICMosul yaqinidagi janglar
Mosul yaqinidagi janglar - Sputnik Oʻzbekiston
Turkiya uchun Mosulning kelajagi xuddi Halab va Damashqning kelajagi kabi muhim ahamiyatga ega

TOSHKENT, 20 okt — Sputnik. Iroqning Mosulini "Islom davlati" terrorchi guruhidan ozod qilish operatsiyasini uchinchi kuchlar tomonidan yangi urushga aylantirishga urinish global nizoga olib kelishi mumkin, dedi Turkiya bosh vaziri oʻrinbosari Numan Kurtulmush, RIA Novosti xabariga asosan.

Ilgariroq Anqara hududda mazhablararo toʻqnashuvlar kelib chiqishi mumkinligini bildirib Mosulni qoʻlga kiritish operatsiyasida shia koʻngillilarining ishtirok etishlariga qarshi chiqqan edi.

"Iroqning Mosulini "ID" terrorchilaridan ozod qilish operatsiyasini uchinchi kuchlar tomonidan yangi urushga aylantirishga urinish global nizoga, xususan Uchinchi jahon urushiga olib kelishi mumkin", — deya Anadolu agentligi bosh vazir oʻrinbosaridan iqtibos keltiradi.

Qurd kuchlari - Sputnik Oʻzbekiston
Hodisalar
Iroq harbiylari va qurd koʻngillilari Mosulni ozod qilishni boshladi

Qurtulmishning soʻzlariga koʻra, Turkiya uchun Mosulning kelajagi xuddi Halab va Damashqning kelajagi kabi muhim ahamiyatga ega. "Qoʻshni davlatning aholisi bizning doʻstlarimiz, birodarlarimiz, qardoshlarimizdir. Biz hammamiz bir hududda yashaymiz. Turkiyaning qoʻshni davlatlarda sodir boʻlayotgan voqealarga qiziqish bildirishga toʻsqinlik qilishga hech kimning haqqi yoʻq", — dedi u.

U turk harbiylarining Bashika lagerida boʻlishlariga qarshi chiqayotgan Iroq hukumatini yana bir bor tanqid qildi. "Bugun Iroq bosh vaziri Turkiyani tanqid qilishga urinmoqda. Biroq u avval bir savolga javob berishi lozim, nima uchun Iroqning kattaligi jihatidan ikkinchi oʻrinda turuvchi shahri birorta ham oʻq uzilmasdan terrorchilarga topshirib qoʻyildi? Nima uchun shuncha yil davomida Mosulni qutqarish rejasi tuzilmadi? Nima uchun AQSH va xalqaro hamjamiyat IDga qarshi kurashni jiddiy qabul qilmadi?" — dedi Kurtulmush.

17 oktyabrga oʻtar kechasi Iroq bosh vaziri Haydar al Obodiy Mosulni ID jangarilaridan ozod qilish operatsiyasi boshlanganligini maʼlum qildi. Iroq harbiylari va politsiya kuchlari, shuningdek kurd koʻngillilari AQSH boshchiligidagi koalitsiyaning aviatsiyasi koʻmagida Mosulga hujum boshladi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala