TOShKENT, 29 okt — Sputnik. Farhod Alimov xonanda Rayhon bilan uchrashib turishini, lekin to‘ylari bo‘lishi haqida internetdagi xabarlardan bilganini aytdi, deb xabar beradi NUZ.UZ sayti.
Eslatib o‘tamiz, boshlovchi va xonandaning to‘yi bo‘lishi haqida MyDay.uz sayti xabar tarqatgandi. Nashr hatto to‘y 29-oktabr kuni bo‘lib o‘tishini ham ma’lum qilgandi. Keyinroq MyDay.uz "kuyov"ning rasmiy izohini joylashtirdi.
"Ha, biz Rayhon bilan uchrashib turamiz. Lekin 29-oktabr kuni na nikoh, na to‘y marosimi bo‘ladi. Shu kuni men "Yakkasaroy" restoranida xizmatda bo‘laman, — dedi Alimov.
Uning aytishicha, nikoh marosimi noyabr yoki dekabrda bo‘lishi mumkin. Shuningdek, Alimov ular o‘rtasidagi munosabatlarga nisbatan bildirilgan salbiy fikrlarga javoban u ham Rayhon ham ilgarigi turmushlaridan rasman ajrashishganini ma’lum qildi.
