TOShKENT, 2 noya — Sputnik. 2016-yilning 2-noyabr kuni O‘zbekiston Respublikasi Tashqi ishlari vaziri Abdulaziz Kamilov Slovakiya Respublikasi ishbilarmon doiralarining nufuzli delegatsiyasiga bosh bo‘lib mamlakatimizga tashrif buyurgan Tashqi va Yevropa ishlari vazirligi Davlat kotibi Lukash Parizekni qabul qildi, deb xabar qiladi O‘zbekiston TIV matbuot-xizmati.
L.Parizek Toshkent shahrida bo‘lib o‘tgan biznes vakillari ishtirokidagi O‘zbekiston-Slovakiya davra suhbati va vazirliklararo siyosiy maslahatlashuvlarning uchinchi raundini ijobiy baholadi.
Shuningdek, siyosiy, savdo-iqtisodiy, investitsiyaviy va boshqa sohalarda hamkorlikni mustahkamlash va rivojlantirishdan ikki tomon ham birdek manfaatdor ekanligi ta’kidlandi.
Qayd etilganidek, avvalroq Toshkent shahrida bo‘lib o‘tgan va 3-noyabr kuni Samarqand shahrida Slovakiya delegatsiyasi ishtirokida ochiladigan "Mo‘jizaviy Slovakiya" hamda "Slovakiya rassomlarining 1967-2013-yillarda Bratislavadagi xalqaro bennalda taqdirlangan eng yaxshi asarlari" nomli ko‘rgazmalar ikki mamlakatda ham madaniy-gumanitar sohalardagi aloqalarga qiziqish o‘sayotganidan dalolat beradi.
Muzokaralarda Slovakiya Elchisi Pavol Ivan ishtirok etdi.
