Assanj: Klinton "Islom davlati" Saudiya Arabistoni tomonidan moliyalashtirilishini aytgan

TOShKENT, 4 noya — Sputnik. Demokratlar partiyasidan AQSh prezidentligiga nomzod Xillari Klintonning shaxsiy yozishmalarida "Islom davlati" terrorchilik uyushmasi Saudiya Arabistoni va Qatar hukumatlari tomonidan moliyalashtirilishi mazmunidagi ta’kidlar bor, deb xabar qilgan WikiLeaks portali asoschisi Julian Assanj. RIA Novosti xabari asosida.

"2014 yil boshlarida, yaqindagina AQSh Davlat Kotibi vazifasidan bo‘shagan Xillari Klinton o‘z saylov kampaniyasi raisi Jon Podestga yo‘llagan bir maktub bor. Elektron maktubda "ID" Saudiya Arabistoni va Qatar hukumatlari tomonidan moliyalashtirilishi haqida gap borgan", — deb ta’kidlagan Assanj.

Assanj, shuningdek, Klintonning maktublarida AQSh va Saudiya Arabistoni o‘rtasida qurol-yarog‘lar sohasida tuzilgan yirik — umumiy summasi 80 milliard dollardan oshadigan shartnoma haqida ham jiddiy muzokaralar borligini qo‘shimcha qilgan. "Uning faoliyati davomida AQShdan bo‘ladigan qurol-aslahalar eksporti dollar ekvivalentida naq ikki barobarga ortgan", — deb aytgan WikiLeaks asoschisi.

Klinton fondiga pul o‘tkazadigan odamlar "Islom davlati"ni  ham moliyalashtiradimi, degan savolga Assanj "Ha", — deya javob qaytragan.