TOShKENT, 14 noya — Sputnik. O‘zbekiston Respublikasi delegatsiyasi 15–16 noyabr kunlari Seulda tashqi ishlar vazirlari o‘rinbosarlari darajasida bo‘lib o‘tadigan hamkorlik bo‘yicha “Koreya Respublikasi–Markaziy Osiyo” 10-forumida ishtirok etadi, deb ma’lum qildi O‘zbekiston TIV matbuot xizmati.
Yubiley uchrashuvda ko‘p tomonlama hamkorlikning dolzarb masalalari, jumladan, mavzularga oid sessiyalarda “elektron hukumat” va qishloq xo‘jaligi sohalaridagi hamkorlikning istiqbollarini muhokama qilish rejalashtirilgan, deyiladi xabarda.
Mazkur forum iqtisodiyot, axborot-kommunikatsiya texnologiyalari, qurilish va transport, fan, madaniyat, ta’lim, turizm sohalari hamda Koreya Respublikasi va Markaziy Osiyo davlatlari o‘rtasida tajriba almashishga yo‘naltirilgan. Forum 2007-yildan buyon har yili o‘tkaziladi.
