Jamiyat

Lola Karimova Islom Karimov nomidagi fondga asos soldi

© Sputnik / Aleksey Drujinin / Fotobankka oʻtishIslom Karimov
Islom Karimov - Sputnik Oʻzbekiston
Obuna boʻlish
Yandex newsTelegram
Jamgʻarmaning asosiy maqsadi - Oʻzbekiston tarixiy, madaniy va adabiy merosini mamlakat ichida va undan chetda ommalashtirishdan iborat

TOSHKENT, 18 noya — Sputnik. Oʻzbekistonning Birinchi Prezidentining qizi Lola Karimova-Tillayeva, marhumning turmush oʻrtogʻi Tatyana Karimova Islom Karimov nomidagi jamoatchilik xayriya fondini taʼsis etdilar, deb xabar qilmoqda Sputnik Oʻzbekiston muxbiri.

Lola Karimova bu haqda oʻzining Feysbukdagi sahifasida aytib oʻtgan.

"Yurtimizning Birinchi Prezidenti olamdan oʻtganlariga ikki yarim oy boʻldi. Otamning xotiralari va hayotda amal qilgan tamoyillarini abadiylashtirish maqsadida men onam bilan birgalikda Islom Karimov nomi bilan ataluvchi jamoatchilik xayriya Fondiga asos soldik. Fond oʻz oldiga Oʻzbekistonning birinchi Prezidenti xotirasiga bagʻishlangan muzeyni tashkil qilish va Vatanimiz mustaqilligining asoschisi toʻgʻrisida maqola va asarlar nashr etishni maqsad qilib olgan.

Fondning birlamchi vazifalaridan biri mamlakatimiz hamda horijda Oʻzbekistonning tarixiy, madaniy va adabiy merosini targʻib qilishga moʻljallangan dasturlarni amalga oshirishdan iboratdir.

Islom Karimov - Sputnik Oʻzbekiston
Jamiyat
Moskva markazidagi xiyobonga Islom Karimov nomi berildi
Islom Karimov Fondi tomonidan yoshlarning intellektual va ijodiy salohiyatini rivojlantirishga, oliy oʻquv yurti va maktab murabbiylari hamda tibbiyot xodimlarining kasbiy malakalarini oshirishga yoʻnaltirilgan turli ilmiy-maʼrifiy, madaniy dastur va loyihalar amalga oshiriladi. Ushbu dasturlar doirasida Islom Karimov Fondi isteʼdodli yoshlarga mamlakatimiz va xorijiy davlatlarning eng ilgʻor oliy oʻquv yurtlarida taʼlim olishlari uchun grantlar taqdim etadi. Mamlakatimizda ilm-fanning taraqqiyotiga hissa qoʻshish maqsadida Fond tomonidan ilmiy tadqiqot dasturlariga ham grantlar ajratish koʻzda tutilgan.

Shuningdek, Islom Karimov Fondi oʻz faoliyatida oʻzbek tilini rivojlantirishga alohida ahamiyat berishni oʻz oldiga maqsad qilib olgan. Fond tomonidan oʻzbek klassik hamda zamonaviy yozuvchilar asarlarini chet tillarga tarjimasi va nashri uchun grantlar beriladi.

Ona yurtimizning anʼanalari, adabiyoti hamda xalqimizing boy madaniy merosining boshqa jabhalariga tegishli adabiyotlar nashr etmoqlik ham Fond faoliyatining muhim yoʻnalishlaridan biri boʻladi.
Islom Karimov Fondi xalqimizning avloddan avlodga, asrlar osha oʻtib kelayotgan hunarmandchilik anʼanalarini asrash va qoʻllab quvvatlashni koʻzda tutgan loyihalarni ham amalga oshiradi.

Oʻzbek zamonaviy tasviriy sanʼat maktabini taraqqiy ettirish maqsadida Islom Karimov Fondi oʻzbek sanʼat ustalari tomonidan yaratilgan eng yaxshi asarlar kollektsiyasini toʻplashni hamda mashhur rassomlar va istʼyedodli yosh sanʼatkorlarning koʻrgazmalarini tashkil etishni oʻz birlamchi vazifalaridan biri qilib belgilagan.

Rossiya prezidentining Oʻzbekistonga tashrifi - Sputnik Oʻzbekiston
Jamiyat
Lola Karimova Toshkentdagi yonib ketgan masjidni qayta qurib, uni "Islom ota" deya nomladi
Islom Karimov Fondi mana 14 yildan buyon ota-ona qaramogʻisiz qolgan va nogiron bolalar va yoshlarga har tomonlama yordam koʻrsatib kelayotgan “Sen yolgʻiz emassan” jamoatchilik bolalar fondi bilan ham hamkorlikda faoliyat olib boradi.

Islom Karimov Fondi yurtimizda istiqomat qiluvchi koʻpgina insonlarga oʻz salohiyatini amalga oshirishda yordam berib, ona Oʻzbekistonimizning madaniy va marifiy rivojiga oʻz salmoqli hissasini qoʻshadi, deb umid qilaman.
Men mehribon Allohdan otamning oxiratlarini obod qilishini va boshlagan xayrli ishlarimizda bizga madadkor boʻlishini soʻrayman", — deb qayd etgan Lola Karimova.

Yangiliklar lentasi
0