Jamiyat

Oʻzbekiston Davlat bayrogʻi 25 yoshda

© StringerOʻzbekiston Davlat bayrogʻi
Oʻzbekiston Davlat bayrogʻi - Sputnik Oʻzbekiston
Obuna boʻlish
NovostiTelegram
Davlat bayrogʻi respublika tabiatiga mos xususiyatlarni, xalqimizning milliy va madaniy oʻzligini ham aks ettiradi

TOSHKENT, 18 noya – Sputnik. Bugun Oʻzbekistonning Birinchi Prezidenti Islom Karimov tashabbusi va rahbarligi ostida “Oʻzbekiston Respublikasining Davlat bayrogʻi toʻgʻrisida”gi qonun qabul qilinganligiga 25 yil toʻldi.

Mustaqil Oʻzbekiston bayrogʻi oʻzbekistonlik har bir fuqaroga gʻurur va faxr-iftixor bagʻishlaydi.

Milliy bayrogʻimizni xalqaro tashkilotlar, elchixona va vakolatxonalarimiz peshtoqida koʻrganimizda, Osiyo va jahon miqyosidagi xalqaro musobaqalarda sportchilarimiz sharafiga baland koʻtarilganida qalbida Ona Vatanga muhabbat, vatanparvarlik hissi boʻlgan har bir yurtdoshimiz cheksiz his-hayajonga tushadi, koʻzlariga quvonch yoshlari keladi.

Davlat bayrogʻi respublika tabiatiga mos xususiyatlarni, xalqimizning milliy va madaniy oʻzligini ham aks ettiradi.

Bayroqdagi havo rang – zangori osmon va musaffo suv ramzidir. Shavkatli Amir Temur ham oʻz bayrogʻiga shu rangni tanlagan.

Oq rang – tinchlik va poklik timsolidir. Bayrogʻimizdagi bu rang yoʻlimizning musaffo va charogʻon boʻlishi uchun yaxshi niyat ramzidir.

Yashil rang – serneʼmat va orombaxsh tabiat timsoli.

Qizil chiziqlar esa tomirimizda joʻshib oqayotgan ajdodlar qoni — hayotiy qudrat, barqarorlik va bardavomlik nishonasidir.

Navqiron yarim oy tasviri bizning tarixiy anʼanalarimiz bilan bogʻliq boʻlib, u qoʻlga kiritilgan mustaqilligimiz ramzi sanaladi.

Oʻzbekiston Respublikasi Davlat bayrogʻidagi 12 yulduz tasviri tarixiy anʼanalarimiz, oʻzbek xalqi madaniyatining qadimiyligi, uning komillikka, oʻz tuprogʻida saodatga intilishi ramzini anglatadi.

Niyatimiz, mustaqil Oʻzbekiston Respublikasining Davlat bayrogʻi hamisha hilpirayversin.

Yangiliklar lentasi
0