OAV: Tramp va uning oilasini qo‘riqlash uchun kuniga 1 mln $ sarflanmoqda

© REUTERS / Mike SegarDonald Tramp, o‘g‘li Barron va rafiqasi Melanya
Donald Tramp, o‘g‘li Barron va rafiqasi Melanya - Sputnik O‘zbekiston
Obuna bo‘lish
Yangi saylangan AQSh prezidenti va uning oilasini qo‘riqlash Nyu-York shahri hokimligi uchun kuniga bir million dollarga tushmoqda, deb xabar qilmoqda RIA Novosti

TOShKENT, 22 noya — Sputnik. CNN telekanali xabariga ko‘ra, Tramp va uning oilasini qo‘riqlash uchun Nyu-York shahri hukumati kuniga bir million dollardan ziyod mablag‘ sarflamoqda.

Ivanka Tramp - Sputnik O‘zbekiston
Ivanka Tramp - Amerikaning bo‘lg‘usi "birinchi xonimi"
Telekanal ta’kidiga ko‘ra, Tramp Oq uyga ko‘chib o‘tgan taqdirda ham bu sarf-harajatlar miqdori kamaymaydi, nega deganda Trampning rafiqasi Melanya va ularning 10 yashar o‘g‘illari Berron o‘quv yili oxiriga qadar Nyu-Yorkning Manxettenida joylashgan Trump Tower binosidagi pentxausda qolish niyatida. Trampning o‘zi ularni muntazam ravishda borib ko‘rishini ta’kidlamoqda.

Xabarga ko‘ra, Trampning to‘ng‘ich farzandlari va nabiralari ham ayni vaqtda AQSh Mahfiy xizmati tomonidan qo‘riqlanmoqda. Kundalik harajatlarga bular ham kiritilgan, deb ta’kidlagan Nyu-York politsiyasi vakili Jon Miller.

Nyu-York meri Bill De Blazioning so‘zlariga ko‘ra, shaharga tez kunda prezident oilasini qo‘riqlash uchun moliyaviy yordam kerak bo‘lishi mumkin.

Merning so‘zlariga ko‘ra, shahar hukumati tez orada federal hukumatga murojaat etib, Nyu-York politsiyasiga ketayotgan harajatlarning bir qismini undirib berishni iltimos qiladi.

Nyu-York hukumati vakillarining ta’kidlariga ko‘ra, AQShning yangi saylangan prezidenti mamlakatning eng yirik va eng odam gavjum shaharlaridan birida istiqomat qilayotgani uchun ularni qo‘riqlashga millionlab dollar sarflanmoqda.

Yangiliklar lentasi
0