TOShKENT, 25 noya — Sputnik. GM Uzbekistan AJ aksiyadorlarining navbatdan tashqari yig‘ilishida kompaniya Bosh direktori vazifasini vaqtincha bajaruvchi Rustam Rajabovning vakolatlari 2017-yilning iyun oyiga qadar uzaytirildi, deyiladi kompaniya xabarida.
"GM Uzbekistan kksiyadorlari Rustam Rajabovning Bosh direktor vazifasini vaqtincha bajaruvchi lavozimidagi vakolatlarini 2016-yil yakunlari bo‘yicha aksiyadorlarning navbatdagi yillik umumiy yig‘ilishi o‘tkazilgunga qadar cho‘zishdi", — deyiladi xabar matnida.
Kompaniya xabariga ko‘ra, navbatdagi yillik umumiy yig‘ilish 2017-yilning iyun oyida o‘tkaziladi.
Rajabovga qadar korxona rahbari lavozimida Tohirjon Jalilov ishlab kelgan.
Oxirgi vaqtlarda OAVlarda O‘zbekistonning yetakchi korxonalaridan biri bo‘lgan GM Uzbekistan bir necha bor mojarolar qatnashchisi bo‘lgani va huquqni saqlash muassasalari tomonidan tekshiruvlar o‘tkazilayotgani haqidagi xabarlar tarqalib ketgan edi. Ammo kompaniya matbuot-xizmati feysbuk ijtimoiy tarmog‘idagi sahifasida joylashtirgan bayonotida "noto‘g‘ri va mutlaqo yolg‘on ma’lumotlar" rad etilgani va "yirik sanoat korxonalaridan birini obro‘sizlantirishga qaratilgan harakatlar" to‘xtatilishiga umid qilinishi haqida ta’kidlagan.
