Nazarboyev Trampga Rossiya bilan hamkorlikni chuqurlashtirishni taklif qildi

© Sputnik / Aleksey Drujinin / Mediabankka o‘tishQozog‘iston prezidenti Nursulton Nazarboyev
Qozog‘iston prezidenti Nursulton Nazarboyev - Sputnik O‘zbekiston
Obuna bo‘lish
Qozog‘iston prezidenti Nursulton Nazarboyev 30-noyabr kuni AQShning yangi saylangan prezidenti - Donald Tramp bilan bo‘lib o‘tgan telefon suhbati chog‘ida "Rossiya-Amerika hamkorligini chuqurlashtirish mumkin bo‘lgan" uchta asosiy sohalarni belgilab berdi

TOShKENT, 1 dek — Sputnik. AQShning yangi saylangan prezidenti Donald Tramp chorshanba kuni Qozog‘iston prezidenti Nursulton Nazarboyev bilan telefon suhbatini o‘tkazgan.

Donald Tramp AQSh prezidentlik saylovlarida g‘olib bo‘ldi - Sputnik O‘zbekiston
Tramp O‘zbekiston va boshqa davlatlar bilan adolatli munosabat o‘rnatishini aytdi
RIA Novosti xabariga ko‘ra, Nursulton Nazarboyev telefon suhbati davomida Trampni "tarixiy g‘alabasi bilan" bilan tabriklagan. Tramp esa o‘z navbatida Nazarboyevni Qozog‘iston Mustaqilligining 25-yilligi bilan tabriklagan va tez orada uchrashish istagi borligini bildirgan.

Tramp va Nazarboyev "mintaqaviy hamkorlik munosabatlarini mustahkamlash naqadar muhim"ligi yuzasidan ham muhokama o‘tkazdilar, deb yozadi nashr. Sputnik Qozog‘iston xabariga ko‘ra, bo‘lib o‘tgan suhbat chog‘ida "Tramp Qozog‘iston Nursulton Nazarboyev boshqaruvi ostida mustaqillik yillarida fantastik muvaffaqiyatlarga erishgan". "Bu muvaffaqiyatlarni mo‘’jiza deb atash mumkin", deb qo‘shimcha qilgan Tramp.

Nazarboyev suhbat davomida respublika o‘z yadroviy arsenalidan ixtiyoriy ravishda voz kechganligi va xalqaro hamjamiyat bilan yadrosiz dunyo uchun kurashni davom ettirishga tayyorligini bildirgan.

Tramp Nazarboyevning ushbu pozitsiyasiga to‘liq qo‘shilishini aytgan.

"Yadroviy qurolsizlantirish va tarqatmaslikdan muhim masala yo‘q. Uni global kontekstda hal etish lozim", — deb ta’kidlagan AQShning yangi saylangan prezidenti.

Nursulton Nazarboyev - Sputnik O‘zbekiston
Nazarboyev: Markaziy Osiyo uchun jiddiy tahdid yo‘q
Nursulton Nazarboyev shuningdek, AQShning yangi saylangan prezidentiga "Rossiya-Amerika hamkorligini chuqurlashtirish mumkin bo‘lgan" uchta asosiy sohalarni taklif qilgan.

Nazarboyev fikriga ko‘ra, AQSh Rossiya bilan "terrorizmga qarshi kurash, Ukrainadagi inqirozni tartibga solish va global yadroviy xavfsizlikni mustahkamlash" sohalarida hamkorlikni yo‘lga qo‘yishi mumkin.

O‘z navbatida, Tramp "Rossiya prezidenti Vladimir Putin bilan telefon suhbati yakunlarini hisobga olgan holda, Vashington va Moskva o‘rtasidagi hamkorlikni rivojlantirish istiqbollariga katta umid bilan qarayotganini" aytgan.

Tomonlar shuningdek, savdo-iqtisodiy, shu jumladan do‘stona Qozog‘iston va Amerika munosabatlarini yangi darajaga ko‘tarishga tayyorliklarini bildirganlar.

Yangiliklar lentasi
0