Ketmonov kimga ovoz berganligini aytdi

© Sputnik / Valeriy Melnikov / Mediabankka o‘tishXatamjon Ketmonov
Xatamjon Ketmonov - Sputnik O‘zbekiston
Obuna bo‘lish
Ketmonov ovoz berib bo‘lganidan so‘ng jurnalistlar va saylovni kuzatayotgan xitoylik kuzatuvchi bilan suhbatlashdi

TOShKENT, 4 dek — Sputnik. O‘zbekiston Xalq demokratik partiyasidan Prezidentlikka nomzod Hatamjon Ketmonov o‘z nomzodi uchun ovoz berganligini ma’lum qildi, deb xabar bermoqda RIA Novosti.

"Kayfiyat yaxshi, barcha o‘zi tanlagan nomzod uchun ovoz bermoqda. Men ham ovoz berdim", — dedi Ketmonov. Jurnalistlarning o‘zingizga ovoz berdingizmi, deya so‘ragan savollariga Ketmonov: "Ha, albatta" deb javob qaytardi.

Shundan so‘ng uchastkada saylovni kuzatayotgan xitoylik kuzatuvchi bilan suhbatlashdi.

Saylov - Sputnik O‘zbekiston
Soat 8.00ga kelib saylovchilarning deyarli 8%i ovoz berib bo‘ldi

Ketmonov 282-saylov uchastkasida ovoz berdi.

Ma’lumotlarga ko‘ra, saylovda 21,4 million saylovchi ovoz berish huquqiga ega. Ovoz berish ertalab soat 6.00da boshlandi va soat 20.00gacha davom etadi. Saylovchilarning 33%i ovoz berganida saylov bo‘lib o‘tgan hisoblanadi. Saylov natijalari dushanba kuni ertalab e’lon qilinishi rejalashtirilgan.

Ikkinchi sentabr kuni O‘zbekistonning Birinchi Prezidenti Islom Karimov 78 yoshida vafot etdi. Mamlakat Prezidenti vazifasini bajarish Bosh vazir Shavkat Mirziyoyevga topshirildi.

Saylovda O‘zLiDeP partiyasidan Shavkat Mirziyoyev, O‘zXDP partiyasidan Hatamjon Ketmonov, "Milliy tiklanish" partiyasidan Sarvar Otamuratov va "Adolat" partiyasidan Narimon Umarovlar o‘z nomzodlari bilan ishtirok etishmoqda.

Yangiliklar lentasi
0