Jamiyat

Jahon banki: Tojikistonga jiddiy islohotlar zarur

© Sputnik / Ruslan Krivobok / Fotobankka oʻtishTojikiston parlamenti binosi
Tojikiston parlamenti binosi - Sputnik Oʻzbekiston
Jahon banki mutaxassislari Tojikistonning energetika ehtiyojini qondirish qashshoqlik darajasini pasaytirish va xususiy biznes rivoji uchun qulay muhit yaratish uchun oʻta muhimligini taʼkidlashmoqda

TOSHKENT, 7 dek — Sputnik. Mamlakatdagi qashshoqlik darajasini pasaytirish uchun Tojikiston hukumati chuqur tarkibiy islohotlarni amalga oshirishi zarur, deyiladi Jahon banki sharhida.

Tojikiston hukumati 2020 yilda erishilishi koʻzda tutilgan keng miqyosdagi islohotlarni amalga oshirishni maqsad qililb qoʻydi – bu YAIMni ikki baravarga oshirish, qashshoqlik darajasini 2020 yilga kelib 20%gacha pasaytirish hamda aholining oʻrta sinfini kengaytirishdir.

"Oʻsishga erishish uchun Tojikiston iqtisodiyotda davlatning rolini kamaytirish va xususiy sektor rolini oshirishga qaratilgan chuqur tarkibiy islohotlarni amalga oshirishi zarur, bu jozibador biznes muhitini yaratish hisobiga  xususiy investitsiyalar oqimini koʻpaytiradi va samarali ish oʻrinlarini yaratish imkonini beradi", — deyiladi hujjatda.

Bank ekspertlari bazaviy ijtimoiy xizmatlarni takomillashtirish va zamonaviylashtirish hamda transport bogʻlamasini hududiy va global bozorlar bilan kengaytirish lozim deb hisoblashmoqda.

Jahon banki mutaxassislari Tojikistonning energetika ehtiyojini qondirish qashshoqlik darajasini pasaytirish va xususiy biznes rivoji uchun qulay muhit yaratish uchun oʻta muhimligini taʼkidlashmoqda.

Eslatib oʻtamiz, Tojikiston YAIM 2014 yildagi 9,2 mlrddan 2015 yilda 7,8 mlrdga tushib ketdi.

Aholining 70%ga yaqini kuz-qish davrida energiya taʼminotidagi uzilishlardan jabr koʻradi. 2009 yildan boshlab Tojikiston energetika tarmogʻi Markaziy Osiyo energetika tizimidan uzilgach va Markaziy Osiyo davlatlari bilan energetika savdosi toʻxtatilgach, aholiga energiya yetkazib berish borasidagi uzilishlar miqdori oshdi.

Tojikiston Jahon banki tomonidan bir necha bor Markaziy Osiyodagi eng qashshoq mamlakat deb eʼtirof etilgan.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala