Bortida Oksana Chusovitina bo‘lgan samolyot portlash xavfi tufayli qo‘nishga majbur bo‘ldi

© Sputnik / Yevgeniy Biyatov / Mediabankka o‘tishSamolyot
Samolyot - Sputnik O‘zbekiston
Obuna bo‘lish
Yetti marotaba Olimpiada musobaqalarida ishtirok etgani bilan mashhur bo‘lgan gimnastikachi Oksana Chusovitina mingan samolyotning barcha yo‘lovchilari evakuatsiya qilindi

TOShKENT, 13 dek — Sputnik. Bortida Oksana Chusovitina bo‘lgan samolyot portlash xavfi tufayli qo‘nishga majbur bo‘ldi, deb xabar qilmoqda "Darakchi" nashri.

Oksana Chusovitina - Sputnik O‘zbekiston
Oksana Chusovitina Ginnesning rekordlar Kitobiga kiritildi
O‘zbek gimnastikachisi Oksana Chusovitina Nyu-York aeroportiga majburiy qo‘nishni amalga oshirgan samolyot yo‘lovchilari orasida edi. Uch karra jahon chempioni bo‘lgan Oksana Chusovitina AQShning Xyuston shahrida yashovchi murabbiysi Svetlana Boginskayaning oldidan Germaniyaning Frankfurt-na-Mayn shahri tomon yo‘l olgandi.

"Parvoz vaqtida samolyotga portlovchi modda qo‘yilgani haqida xabar berildi, – deydi gimnastikachi. – Biz endigina Nyu-York shahri ustidan uchib o‘tgandik, bu xabardan 10 daqiqa o‘tgach, samolyot orqaga qaytib, Nyu-Yorkka qo‘ndi. Barcha yo‘lovchilar evakuatsiya qilinib, reys bekor qilindi. Endi ertaga uchish mumkinligi haqida ogohlantirildik".

Oksana Chusovitina yetti marotaba Olimpiada musobaqalarida ishtirok etib, Ginnesning rekordlar kitobiga kiritilgan yagona sportchi hisoblanadi. U 2016-yilda Rio-de-Janeyroda o‘tkazilgan 56 kunlik Olimpiada musobaqalarida 41 yoshga to‘lganiga qaramay, ishtiroki bilan barchani hayratga soldi.

Yangiliklar lentasi
0