Jon Kerri Amerika xalqi nomidan o‘zbekistonliklarga tabrik yo‘lladi

Obuna bo‘lish
Yangi saylangan O‘zbekiston Prezidenti Shavkat Mirziyoyev nomiga xorijiy davlatlar va hukumatlar, xalqaro tashkilotlar rahbarlari, xorijiy mamlakatlarning taniqli jamoat arboblaridan samimiy tilaklar bildirilgan qutlovlar kelishda davom etmoqda

TOShKENT, 14 dek — Sputnik. O‘z tabrik maktubini Amerika Qo‘shma Shtatlari davlat kotibi ham yo‘lladi deb xabar bergan O‘zbekiston TIV matbuot-xizmati.

AQSh prezidenti Barak Obama - Sputnik O‘zbekiston
Obama: Mirziyoyevning Prezident etib saylanishi O‘zbekiston uchun muhim davrni boshlab berdi
"Muhtaram Prezident Janobi Oliylari! Sizni O‘zbekiston Respublikasi Prezidenti etib saylanganingiz munosabati bilan chin dildan tabriklayman. Amerika Qo‘shma Shtatlari bundan buyon ham mamlakatlarimiz o‘rtasidagi 25-yillik do‘stlikni mustahkamlash, o‘zaro munosabatlarning barcha sohalari bo‘yicha hamkorlik va muloqotni rivojlantirish tarafdori. O‘zbekiston suvereniteti, hududiy yaxlitligi va mustaqilligini qo‘llab-quvvatlashimizni ta’kidlashni istardim.

Sizning O‘zbekistonda siyosiy o‘zgarishlar vaqtida Prezident vazifasini bajaruvchi sifatida amalga oshirgan ishlaringizni qadrlayman. Siz boshlagan keng ko‘lamli islohotlar, ayniqsa, iqtisodiyot sohasi va inson manfaatlarini ta’minlash borasida belgilangan yo‘nalishlarni davom ettirib, ulkan muvaffaqiyatlarga erishishingizga ishonaman.

Shavkat Mirziyoyev, O‘zbekistonning yangi saylangan rahbari - Sputnik O‘zbekiston
Shavkat Mirziyoyev qator davlat rahbarlari bilan telefonlashdi
Amerika xalqi nomidan O‘zbekiston xalqiga samimiy tabriklar yo‘llayman va O‘zbekistonga tinchlik, farovonlik tilayman.

Prezident etib saylanganingiz bilan yana bir bor samimiy tabriklayman va ezgu tilaklarimni yo‘llayman", — deyilgan Kerrining tabrik maktubida.

O‘zbekiston prezidentiga shuningdek, Mirziyoyevga Buyuk Britaniya va Shimoliy Irlandiya Birlashgan Qirolligi Qirolichasi Yelizaveta II, Buyuk Britaniya Bosh vaziri Tereza Mey, Slovakiya prezidenti Andrey Kiska, Dubay Amirligi hokimi, BAA vitse-prezidenti va Bosh vaziri Muhammad bin Roshid Ol Maktum va boshqalar tabrik telegrammalarini yo‘llashgan.

Yangiliklar lentasi
0