TOShKENT, 15 dek — Sputnik. Tashqi siyosat va iqtisoddagi mushkulotlar 2016-yilda Rossiyalik turistlarning chet elga sayohatlarini jiddiy ravishda cheklab qo‘ydi, deb xabar qilmoqda Rossiya Federatsiyasi Hukumati huzuridagi Tahliliy markaz.
"Rublning qadri tushib ketishi va bir necha ommaviy yo‘nalishlarning berkitilishi, chet elga qilinayotgan sayohatlar o‘rtacha narxini 2015-yilda 37%ga va 2016-yilning yanvar-oktabrida yana 16 %ga oshirdi. Natijada turistik xizmatlar bozori hajmi 2013yilgidan 25% pastga tushib ketdi. Aholining ayrim qismi tashqi turizm o‘rniga dam olishning boshqa turlaridan foydalanishdi", — deyilgan xabarda.
2016 yilning 6 oyida Rossiyaliklarning chet elga bo‘lgan sayohatlari 13%ga kamaydi. Kamayish aksariyat Turkiya va Misr hisobidan bo‘ldi. Shuningdek eng ommaviy yo‘nalishlar ham biroz o‘zgardi. Bu yil rossiyaliklar kam xarajatli va xavfsiz yo‘nalishlarga ko‘proq sayohat qila boshladi. Bular Kipr (+49,2%), Xitoy (+ 44,9%) va Tailand (+ 24,2%) bo‘ldi.
Rosturizm xabariga ko‘ra, turistik sayohatlar soni 2015-yilda 50 mlnga yetgan. Bu 2014-yilga nisbatan 20%ga ko‘p bo‘lsada ushbu sohada Juda katta muammolar bor: transport, mehmonxona va boshqa infraqurilmaarning rivojlanmaganidir. Shu sababli bugungi kundi ichki turizmni rivojlantirish uchun izchil harakatlar qilinayotgan bo‘lsada, aholining aksariyat qismi kelasi yildan Turkiya va Misr qirg‘oqlari tomon shoshilishi ehtimoli katta.
Ekspertlar fikriga ko‘ra, Rossiya mamllakatga kelayotgan sayyohlar soni bo‘yicha, yetakchi mamlakatlar o‘ntaligiga kiradi. Rossiyaga eng ko‘p kelayotgan fuqarolar- MDH va Boltiqbo‘yi mamlakatlari, shuningdek Polsha, Finlyandiya, Xitoy va Germaniya fuqarolaridir. Oxirgi yillardaRossiyaga kelayotgan sayyohlar soni oshib borayotgan bo‘lsada, ular uchun yetarli qulayliklarga ega bo‘lgan infraqurilma hajmi cheklangan. Shuning uchun ushbu sohada katta o‘sish bo‘lishiga ishonish qiyin.
