TOShKENT, 25 dek — Sputnik. Mudofaa vazirligi xabariga ko‘ra, halokatga uchragan samolyotda 84 yo‘lovchi va 8 ekipaj a’zosi bo‘lgan.
Ushbu samolyot ichida artistlar va jurnalistlar Rossiya harbiylarini Yangi yil bilan tabriklash maqsadida "Xmeymim" aviabazasiga yo‘l olishgan bo‘lgan. Yo‘lovchilarning aksariyati Aleksandrov nomli ashula va raqs harbiy ansambli artistlari bo‘lgan.
Ulardan tashqari samolyotda, mashhur ko‘ngilli vrachi Yelizaveta Glinka ham bo‘lgani aniqlandi. "Spravedlivaya pomosh" fondining xodimi aholi orasida ko‘proq "Doktor Liza" nomi bilan tanish bo‘lgan. Bu safa Doktor Liza Suriyaning Latakiya viloyatidagi bolalarga dori vositalari olib borayotgan bo‘lgan.
Shuningdek samolyotda "Birinchi kanal" jurnalistlari, muxbir Dmitriy Runkov, operator Vadim Denisov va ovoz operatori Aleksandr Soydovlar bo‘lishgan.
NTV telekanalidan muxbir — Mixail Lujneskiy, operator Oleg Pestov va ovoz operatori Yevgeniy Tolstovlar bo‘lishgan
"Zvezda" telekanalidan ha uch kishi, muxbir Pavel Obuxov, operator Aleksandr Suranov va operator yordamchisi Valeriy Rjevskiylar bo‘lishgan.
Rossiya Mudofaa vazirligiga tegishli bo‘lgan Tu-154 havo layneri bugun ertalab soat 05:20da Sochi aeroportida uchib chiqqan edi. parvozdan 20 minut o‘tib havo kemasi radarlardan yo‘qolib qoldi. Bir necha soat o‘tib layner qoldiqlari Qora Dengizning Sochi qirg‘og‘idan 1,5 km uzoqlikda, 50-70 metr chuqurlikda topildi.
