Siyosat

Atambayev Mirziyoyev uning akasini topishga yordam bergani haqida

Sobiq SSSR tarqalib ketganidan keyin, Atambayevning katta akasi Oʻzbekistonga koʻchib oʻtadi va u yerda oddiy oʻqituvchi boʻlib ishlaydi. 2007 yilda Shavkat Mirziyoyev 14 yillik judolikdan keyin aka-ukalarga uchrashishga yordam berdi.

TOSHKENT, 28 dek — Sputnik. Qirgʻiziston prezidenti Almazbek Atambayev Oʻzbekistonga boʻlgan tashrifi davomida Shavkat Mirziyoyevga, bir necha yil oldin Atambayevning akasini topishda bergan yordami uchun minnatdorchilik bildirdi, deb xabar qilmoqda ON1 telekanali.

“Sobiq Ittifoq tarqalib ketganidan keyin mening akam Oʻzbekistonga koʻchib oʻtib, kichik shaharchada oddiy oʻqituvchi boʻlib ishlagan. Bilasizmi men uni 14 yil koʻrmagan edim”, — dedi Atambayev 24 dekabr kuni Samarqandda boʻlib oʻtgan uchrashuvda.   

“Men rahmatli akamni esga olganimda, unga kim yordam berganini ham eslayman. Oʻshanda, uzoq yillar koʻrmagan akamni, aynan siz Toshkentdagi mehmonxonaga olib kelgan edingiz. Aynan siz unga yordam bergan edingiz, chunki u Oʻzbekiston fuqarosi edi”, — dedi Qirgʻiziston prezidenti.

Oʻshanda, 2007 yilda, ikkala prezidentlar ham oʻz mamlakatlarining bosh vazirlari lavozimida ishlagan vaqtlar edi.

“Men doimo,  bizning mamlakatlarimiz orasida haqiqiy aka-ukachilik munosabatlari  va haqiqiy doʻstlik boʻlishi kerak,  deganman”,  - dedi Atambayev soʻzining davomida. 

Eslatib oʻtamir, 24 dekabr kuni Qirgʻiziston prezidenti  Almazbek Atambayev shavkat Mirziyoyev taklifi bilan Oʻzbekistonga ishchi tashrif buyurdi. Oʻz tashrifining boshida Atambayev Samarqandda boʻli Islom Karimov qabriga gul qoʻydi.

Shundan keyin prezidentlar ikki mamlakat orasida mavjud boʻlgan dolzarb masalalar boʻyicha muzokaralar oʻtkazishdi. Mavzular orasida chegara havfsizligi hamda savdo-iqtisodiy munosabatlar bor edi. Shuningdek Oʻzbekiston, Qirgʻiziston va Xitoyni bogʻlab turuvchi transport magistrallari haqida ham soʻz yuritildi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala