Qodirov: Charlie Hebdo karikaturalarining matbuot erkinligiga dahli yo‘q

© Sputnik / Said Sarnayev / Mediabankka o‘tishRamzan Qodirov
Ramzan Qodirov - Sputnik O‘zbekiston
Obuna bo‘lish
Janjalli karikaturalari bilan mashhur fransuz hajviy jurnali o‘z saytida Rossiyaning Tu-154 samolyoti halokatiga bag‘ishlangan karikaturani joyladi

TOShKENT, 29 dek — Sputnik. Fransiyaning Charlie Hebdo jurnali karikaturalarining matbuot erkinligiga aloqador joyi yo‘q, deb bayonot qildi Checheniston rahbari Ramzan Qodirov.

Rossiya Bolalar xorining Kreml saroyida chiqishidan - Sputnik O‘zbekiston
Rossiya birgina qo‘shiqlari bilan dunyoni zabt etishi mumkin - shaxsiy fikr
RIA Novosti nashri xabariga ko‘ra, janjalli karikaturalari bilan mashhur fransuz hajviy jurnali o‘z rasmiy saytida Rossiyaning Tu-154 samolyoti halokatiga bag‘ishlangan karikaturani joylagan. Eslatib o‘tamiz, Qora dengizga g‘arq bo‘lgan samolyot bortida Aleksandrov nomidagi qo‘shiq va raqs ansamblining 64 nafar artisti bo‘lgan.

Karikaturada qulayotgan samolyot, uning fonida esa "a-a-a-a" deya davomli tovush chiqarayotgan ansambl artisti tasvirlangan.

Rasm tagiga "Qizil armiya repertuari kengaymoqda" deb yozib qo‘yilgan.

"Fransiyaning Sharli Ebdo jurnali G‘arb "demokratiyasi va so‘z erkinligi" aslida nima ekanligini navbatdagi bor namoyon qildi. Nashr Tu-154 aviahalokati va Rossiya elchisining Anqarada otib o‘ldirilishi hodisalariga karikatura e’lon qilgan. Men ilgari ham aytganman, hozir ham takrorlab o‘taman: jurnal tahririyati siyosati mutlaqo ahloq normalaridan yiroq, fosiq va insoniylikka yot. Uning matbuot erkinligiga bevosita ham bilvosita ham aloqadorligi yo‘q", — deb yozgan Qodirov o‘zining Instagramdagi sahifasida.

Yangiliklar lentasi
0