Jamiyat

Tadbirkorlar uchun milliy buxgalteriya dasturi yaratildi

© Sputnik / Roman Galkin / Fotobankka oʻtishOfis xodimi
Ofis xodimi - Sputnik Oʻzbekiston
Mazkur buxgalteriya dasturi hisobda xatoga yoʻl qoʻymaslikda, ish vaqtini tejashda, zarur axborotni tezkor ravishda olishda yordam beradi

TOSHKENT, 30 dek — Sputnik. "BePro Norma" masʼuliyati cheklangan jamiyati tadbirkorlar uchun moʻljallangan "1UZ Buxgalteriya. Mini" milliy dasturini yaratdi. Bu haqda "Jahon" axborot agentligi xabar qilmoqda. Oʻzbekiston Savdo-sanoat palatasi hamda "Kamolot" yoshlar ijtimoiy harakati hamkorligida ushbu dastur takdimoti oʻtkazildi.

Unda mazkur dasturni boshqarish tizimi, tadbirkorlar uchun yaratilgan qulayliklar haqida maʼlumot berildi.

Xabarda aytilishicha, mazkur buxgalteriya dasturi maʼlumotlar bazasini yaratish va uning asosida turli murakkablikdagi buxgalteriya hisobotlarini shakllantirish imkonini beradi. Eng muhimi, u hisobda xatoga yoʻl qoʻymaslikda, ish vaqtini tejashda, zarur axborotni tezkor ravishda olishda yordam beradi.

Dasturni tanlashda u qaysi korxonaga: kichik, oʻrta yoki yirik korxonaga moʻljallanganini hisobga olish, uning qay sohaga tegishliligiga eʼtibor qaratish zarur.

"BePro Norma" masʼuliyati cheklangan jamiyati bosh mutaxassisi Baxtiyor Sobirjonovning soʻzlariga koʻra, yosh tadbirkorlar uchun moʻljallangan "1UZ Buxgalteriya. Mini" dasturi Oʻzbekiston qonunchilik hujjatlari asosida yaratilgan. Mazkur dasturdan foydalanish juda qulay. Oʻzbek va rus tillaridagi interfeysga ega, imkoniyatlari boʻyicha xorijiy dasturlardan qolishmaydi.

Ushbu dastur buxgalteriyani avtomatlashtirish bilan birga boshqa qator xizmat turlarini ham oʻzida mujassam etgan. Shuningdek, mazkur dasturning toʻlaqonli yuklanuvchi bepul versiyasi tadbirkorlarga uning afzalliklarini koʻrish hamda sifatli litsenzion dastur sohibiga aylanish va ishlab chiquvchi bilan hamkorlikni davom ettirish xususida yakuniy qaror qabul qilish imkonini beradi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala