TOShKENT, 30 dek — Sputnik. Rossiya AQSh tomonidan kiritilgan sanksiyalarga nisbatan ilk "javob choralarini" qo‘lladi. Moskvadagi ingliz-amerika maktabi yopildi, deb xabar qilmoqda RIA Novosti.
Eslatib o‘tamiz, payshanba kuni AQSh Rossiyaning razvedka xizmatlari va qator jismoniy shaxslariga nisbatan sanksiyalar kiritdi va ularni "mamlakatda bo‘lib o‘tgan saylovlarga ta’sir o‘tkazganlikda" aybladi. Shuningdek, rasmiy Vashington Rossiyaning 35 diplomatiga mamlakatni tark etish shartini qo‘ydi.Qo‘yilgan ayblovlarga esa AQSh tomonidan hech qanday dalillar keltirilmadi.
Nashr javob choralaridan ogohlantirilgan "amerikalik vakil"ga tayangan holda berayotgan xabarga ko‘ra, Rossiya ilk javob chorasi sifatida Moskva shahridagi "amerikaliklar va xorijliklar uchun" tashkil qilingan ingliz-amerika maktabini yopgan. Manbaning so‘zlariga ko‘ra, ushbu maktabda AQSh, Buyuk Britaniya va Kanada elchixonalari xodimlari farzandlari tahsil olganlar.
Xabarga ko‘ra, shuningdek, Serebraniy Borda joylashgan elchixona qarorgohiga kirish ham yopilgan.
