OAV: Istanbuldagi teraktda Qirg‘iziston fuqarosi gumon qilinmoqda

Obuna bo‘lish
Ilgariroq Istanbuldagi tungi klubda ro‘y bergan terakt O‘zbekiston yoki Qirg‘iziston fuqarosi tomonidan amalga oshirilgan bo‘lishi mumkin, degan xabarlar tarqatilgan edi. Ayni vaqtda mudhish terrorchilik aktida Qirg‘iziston fuqarosi gumonlanayotgani aniq bo‘ldi

TOShKENT, 3 yanv — Sputnik. Istanbuldagi tungi klubda amalga oshirilgan teraktda Qirg‘iziston fuqarosi gumon qilinmoqda. Turk OAVlariga ko‘ra, terrorni amalga oshirgan shaxs uch oy oldin olingan Qirg‘iziston fuqarosi pasportiga ega bo‘lgan, deb yozmoqda Sputnik Qirg‘iziston nashri.

Xabarda ta’kidlanishicha, Turkiya huquqni muhofaza qilish organlari Istanbuldagi tungi klubda terrorchilik aktini amalga oshirganlikda gumonlanayotgan jinoyatchining shaxsini aniqlashga muvaffaq bo‘lgan. Taxminlarga ko‘ra, tungi klubga hujum qilgan terrorchi — bu Qirg‘iziston fuqarosi, 28 yashar Yaxyo Mashrapovdir.

​Terrorda gumonlanayotgan shaxs pasporti Turkiyaning TRT World telekanali efirida namoyish etilgan.

Hujjat 2016-yilning 21-oktabrida Qirg‘iziston Davlat ro‘yxatdan o‘tkazish xizmati tomonidan berilgan.

Turkiyada yuz bergan teraktdan keyingi holat - Sputnik O‘zbekiston
Turkiyada yangi yil bayrami kunlari qator portlashlar sodir etilishi mumkin - AQSh elchixonasi
Eslatib o‘tamiz, teraktni amalga oshirgan shaxs hozircha ozodlikda. Turkiya kuch ishlatish xodimlari uni qidirishda davom etmoqda.

Istanbul shahrining Zeytinburnu tumanida 2 yanvarga o‘tar kechasi jinoyatchini qo‘lga olish bo‘yicha maxsus operatsiya amalga oshirilgan.

Ilgariroq esa, Turkiya politsiyachilari tungi klubdagi mudhish terrorchilik akti O‘zbekiston yoki Qirg‘iziston fuqarosi tomonidan amalga oshirilgan bo‘lishi mumkinligini ma’lum qilgan edi.

Tungi klubga amalga oshirilgan hujum oqibatida 39 kishi, shu jumladan 16 nafar chet el fuqarolari halok bo‘lgan.

Ushbu terakt uchun javobgarlikni "Islom davlati" terrorchilik uyushmasi o‘z bo‘yniga olgan.

Yangiliklar lentasi
0